नेपालमा संक्रमितको संख्या १ लाख नाघ्यो

२३ असोज, काठमाण्डौ । नेपालमा कोरोना भाइरसका सङ्क्रमितको संख्या एक लाख नाघेको छ । पछिल्लो चौबिस घण्टा अर्थात शुक्रबार २ हजार ५९ जना संक्रमित थपिएसँगै नेपालमा कोरोना संक्रमितको संख्या १ लाख ६ सय ७६ पुगेको हो

पछिल्लो २४ घण्टामा १३ हजार नौ सय ७९ जनाको नमुना परीक्षण गरिएको हो । त्यस्तै गएको २४ घण्टामा एक हजार ६ सय ८० जना निको भएर फर्किएसँगै डिस्चार्ज हुनेको सङ्ख्या ७३ हजार २३ पुगेको छ ।

यस्तै सक्रिय संक्रमितको संख्या भने बढेको छ । अहिलेसम्म २७ हजार ५३ जना आइसोलेशनमा बसिरहेका छन् । ४ हजार सात सय तीन जना भने क्वारेन्टाइनमा बसेका छन् ।

स्वास्थ्य मन्त्रालयका अनुसार शुक्रबार १० जनाको कोरोना संक्रमितको मृत्यु भएको छ । यससँगै कोरोनाबाट ज्यान गुमाउनेको सङ्ख्या ६ सय पुगेको छ ।