राजस्थानले फिल्डिङ रोजेपछि दिल्ली पहिले व्याटिङ गर्दै

२३ असोज, एजेन्सी । आईपीएल क्रिकेटमा राजस्थान रोयल्सले टस जितेर फिल्डिङ रोजेको छ । दुबईमा राजस्थानले व्याटिङको निम्तो दिएपछि दिल्लीले आक्रामक शुरुवात गर्ने अपेच्छा गरिएको छ । दिल्ली पछिल्लो समय व्याटिङमा उत्कृष्ट देखिएको टिम हो ।

उसका ओपनर व्याट्सम्यान पृथ्वी शा उच्च फर्ममा छन् । श्रेयास आयर, रिसभ पन्त, मार्कुस स्टोईनिस र शिखर धवन पनि उत्कृष्ट फर्ममा छन् । यस्तै कागिसो रबाडा, एनरिक नोट्जे लगायतका बलरले पनि प्रभावशाली प्रदर्शन गरिरहेका छन् ।

तर दिल्लीको टिममा आज पनि सन्दीप लामिछाने पर्न असफल भएका छन् । राजस्थानका जोश बटलर, स्टिम स्मिथ, सन्जु स्यामसन लगायत व्याट्सम्यान पनि उत्कृष्ट फर्ममा छन् । दिल्ली तालिकाको अंक तालिकाको शीर्ष स्थानमा उक्लिने मौका छ ।