नेपालमा एकैदिन ५ हजार ८ जनालाई कोरोना संक्रमण पुष्टि

२४ असोज, काठमाडौं । नेपालमा अहिलेसम्मकै धेरै ५ हजार ८ जनामा कोरोना भाइरसको संक्रमण पुष्टि भएको छ । देशभरका प्रयोगशालामा १९ हजार ३२० नमुना परीक्षण गर्दा ५ हजार ८ जनामा संक्रमण पुष्टि भएको हो । यो एकैदिन भेटिएको अहिलेसम्मकै ठूलो संक्रमितको संख्या हो ।

यससँगै नेपालमा कूल संक्रमित संख्या एक लाख ५ हजार ६८४ पुगेको छ । उनीहरुमध्ये ६१४ जनाको मृत्यु भएको छ भने ७४ हजार २५२ जन संक्रमणमुक्त भएका छन् । पछिल्लो २४ घण्टामा मात्र १२२९ जना संक्रमणमुक्त भएका छन् । अब सक्रिय संक्रमितको संख्या ३० हजार ८१८ पुगेको छ ।