उपत्यकामा थपिए २६७२ संक्रमित, ६ को मृत्यु

२४ असोज, काठमाडौं । शनिबार मात्रै काठमाडौं उपत्यकामा २ हजार ६७२ जनालाई कोरोना भाइरसको संक्रमण पुष्टि भएको छ । यसमध्ये काठमाडौंमा मात्रै सबैभन्दा धेरै संक्रमित छन् ।

जसअनुसार काठमाडौंमा २१००, ललितपुरमा ३६९ र भक्तपुरमा २०३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।  उपत्यकामा पछिल्लो चौबिस घण्टामा थप ६ जनाको मृत्यु भएको छ ।

मृत्यु हुनेमा काठमाडौंका ६८ वर्षीया महिला, ४८ र ९० वर्षीय पुरुष, ललितपुरका ४३ र ४९ वर्षीय पुरुष र भक्तपुरका ६८ वर्षीय पुरुष रहेका छन् ।