करिब १ लाखको पटाकासहित एक जना पक्राउ

२४ असोज, झापा ।  प्रहरीले करिब १ लाख ५० हजारको पटाकासहित एक जनालाई पक्राउ गरेका छन । भद्रपुर नगरपालिका-३ पैतीस लाईनबाट करिब १ लाख ५० हजार रुपैयाँ बराबरको ५८ बण्डल खुर्सानी पटाका सहित भद्रपुर नगरपालिका-४ बस्ने ४२ वर्षीय ढाक्रे राजबंशीलाई शुक्रबार राति प्रहरीले पक्राउ गरेको छ ।

प्रहरी चौकी महेशपुर र वडा प्रहरी कार्यालय भद्रपुरबाट खटिएको प्रहरीले भारतबाट नेपालतर्फ आउँदै गरेको मे.१ ह ३४१३ नम्बरको अटोमा जाँच गर्ने क्रममा उक्त मूल्य बराबरको पटाका फेला पारी चालक राजबंशीलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।