सप्तरीमा कोरोना संक्रमित थप एक महिलाको मृत्यु

♦ धीरुभाइ

२५ असोज, सप्तरी । सप्तरीमा थप एक जना कोरोना संक्रमित महिलाको मृत्यु भएको छ । डाक्नेश्वरी नगरपालिका वार्ड नम्बर ७ ललितपुर पुख्र्यौली घर भइ हाल राजविराज वार्ड नम्बर ६ सिरहारोड निवासी ६५ वर्षीया महिलाको कोरोना संक्रमणबाट मृत्यु भएको छ ।

कोरोना संक्रमित पुष्टि भएपछि होम आइसोलेसनमा बस्दै आएकी उनलाई आइतबारै बिहान स्वासप्रश्वास समस्या देखिएपछि राजविराज स्थित छिन्नमस्ता अस्पताल पु¥याएको केही क्षणमै मृत्यु भएको स्वास्थ्य कार्यालय सप्तरीका वरिष्ठ मलेरिया इन्सपेक्टर नारायणप्रसाद राउत बरैले जानकारी दिए ।

राजविराज वार्ड नम्बर ६ का अध्यक्ष प्रेम यादवका अनुसार पछिल्लो एक महिनादेखि ज्वरो लागेको उनको स्वाब परीक्षण गर्दा गत २० गते कोरोना रिपोर्ट पोजेटिभ आएको मृतक महिला लामो समयदेखि मधुमेह, ब्लड प्रेशरबाट पीडित थिए ।

मृतक महिलाको शब कोशी ब्यारेज स्थित कोशी नदीमा व्यवस्थापन गरेको बताइएको छ । यससँगै जिल्लामा कोरोना संक्रमित मृतकको संख्या तीन महिलासहित २० पुगेको छ ।