सरकारी कर्मचारीले बलात्कार गरेलगत्तै १५ लाखको बार्गेनिङ, हातमा हत्कडी !

२५ असोज, सुर्खेत । एक महिलाले सहमतिमै यौनसम्पर्क गरेपछि १५ लाखको बार्गेनिङ गरेको खुलेको छ । सुर्खेतको वीरेन्द्रनगर नगरपालिकाका आन्तरिक लेखा परीक्षण प्रमुख खेमराज शर्माले होटलमा लिएर युवतीलाई सहमतिमै यौनसम्पर्क गरेपछि ती महिलाले १५ लाखको बार्गेनिङ गरेकाे रहस्य खुलेको हो ।

उनीहरुबीच सहमतिमै यौन सम्पर्क भएको पनि खुलेको छ । पटक पटक यौन सम्पर्क भएको र पछिल्लो पटक सहमतिमै होटलमा यौन सम्पर्क भएपनि महिलाले पैसाका लागि बार्गेनिङ गरेको शर्माको दाबी छ ।

मागेको रकम नदिएपछि उनले प्रहरीमा उजुरी दिएको पनि शर्माको दाबी छ । महिलाको उजुरीपछि प्रहरीले शर्मालाई पक्राउ गरेर अनुसन्धान थालेको छ । उनले १५ दिन अगाडी नै उजुरी दिएपनि प्रहरीले पक्राउ गर्न आनाकानी गरेको थियो । पछि स्थानीय सञ्चारमाध्यममा समाचार आएपछि प्रहरीले बाध्य भएर शर्मालाई पक्राउ गरेको हो ।