शिक्षामन्त्री पोखरेललाई कोरोना संक्रमण पुष्टि

२५ असोज, काठमाडौं । शिक्षा, विज्ञान तथा प्रविधिमन्त्री गिरिराजमणि पोखरेललाई कोरोना भाइरसको संक्रमण पुष्टि भएको छ । शनिबार स्वास्थ्यमा समस्या आएपछि पाटन अस्पताल गएका पोखरेललाई आइतबार कोरोना संक्रमण पुष्टि भएको हो।

ज्वरो आएपछि स्वाब परीक्षण गर्दा उनलाई संक्रमण पुष्टि भएको हो । संक्रमण पुष्टि भएपछि उनी पाटन अस्पतालकै आइसोलेसनमा बसेका छन् । यसअघि शनिबार मात्रै संस्कृति, पर्यटन तथा नागरिक उड्ययन मन्त्री योगेशकुमार भट्टराईलाई पनि कोरोना पुष्टि भएको थियो ।