मौलिक बाजा संरक्षणमा लागेका महिला समूहलाई राहत वितरण
नेपालबहस संवाददाता
असोज २५, २०७७ सोमबार १:२६:४८
२५ असोज, काठमाडौं । मौलिक पहिचानको पञ्चेबाजा एवं नौमती बाजाको संरक्षणमा लागेका कोरोना पीडित महिला समूहलाई राहत वितरण गरिएको छ । कोरोनाबाट बच्न गत चैतदेखि काम नपाएका महिला पञ्चेबाजा समूहको ५० परिवारलाई चक्रपथ पश्चिम खण्डको सफाइ अभियानले आज आयोजित कार्यक्रममा राहत वितरण गरेको हो ।
कार्यक्रममा वाग्मती प्रदेश प्रमुख प्रतिपक्षी दलका नेता इन्द्रबहादुर बानियाँले राहत हस्तान्तरण गरेका थिए । उनले सात महिनादेखि काम नपाएको महिला पञ्चेबाजा समूहका लागि आफूले पनि सहयोगको समन्वय गरिदिने प्रतिबद्धता जनाए । अभियानले सहयोग जुटाएर १० केजीे चामल, एक केजी दाल, एक केजीे नून, आधा लिटर तेललगायत खाद्य सामग्री वितरण गरिएको सफाइ संयोजक ताराबहादुर कुँवरले राससलाई जानकारी दिए । पश्चिम खण्डमा चक्रपथ विस्तारको क्रम शुरु भएकाले कोरोनाबाट पीडित समूहलाई राहत वितरण गर्न थालिएको उनले बताए ।
सो अवसरमा तारकेश्वर नगरपालिकामा कृष्णा क्षेत्रीको नेतृत्वमा क्रियाशील तारकेश्वर लोक सांस्कृतिक महिला नौमती बाजा समूह र बालाजुमा जानुका पौडेलको नेतृत्वमा क्रियाशील पञ्चेबाजा समूहका सदस्यलाई राहतस्वरुप खाद्य सामग्री वितरण गरिएको थियो । राहतबाट समूह सदस्यलाई केही दिनका लागि भएपनि जीवन निर्बाह गर्ने आधार बनेको क्षेत्रीको भनाइ थियो । अभियानले रगतको अभाव भएका बेला रक्तदान कार्यक्रमको समेत आयोजना गर्दै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआइतबारदेखि मौसममा क्रमिक सुधार हुने
चैत १६, २०८० शुक्रबार
कस्तो छ आजको मौसम ?
चैत १५, २०८० बिहिबार
महिला ‘गाइड’लाई ‘रेस्क्यू’ सम्बन्धी तालिम
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
आयरल्याण्ड वुल्भ्सले नेपाललाई दियो २२३ रनको लक्ष्य
चैत १६, २०८० शुक्रबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार
बाँकेमा बालविवाह न्यूनीकरण चुनौतीपूर्ण
चैत १६, २०८० शुक्रबार
जुगल हिमाल आरोहणको अन्तिम तयारीमा
चैत १६, २०८० शुक्रबार