धानखेतमा युवतीमाथि बलात्कार, उधारो ५ लाख दिएर फेरि समाजको बलात्कार !

२५ असोज, विराटनगर । मोरङमा एक युवतीमाथि धानखेतमा बलात्कार भएको छ । धनपालनाथ गाउँपालिकामा जनप्रतिनिधिके नातेदारले धानखेतमा पानी लगाउन गएकी २१ बर्षीया युवतीमाथि बलात्कार भएको हो ।

गएको २४ भदौमा युवतीमाथि बलात्कार भएको हो । धानबालीमा युरिया मल छर्न गएका बेला युवतीमाथि बेलबारी नगरपालिका– ८ का ३३ वर्षीय सुरेश खवासले बलात्कार गरेका हुन् ।

धानबालीमा आपत्तिजनक अवस्थामा खवासलाई भेटेपछि स्थानीयले नियन्त्रणमा लिएर घटनना मिलाएका थिए । घटना मिलाउँदा ५ लाख दिने सहमति थियो । तर सहमतिअनुसार युवकले बलात्कार गरेको सट्टामा पैसा दिएनन् ।

प्रहरीमा जान समेत नदिएपछि समाजले फेरि युवती र युवतीको परिवारलाई बलात्कार गरेको पाइएको हो । तर अहिले सहमति बाहिरिएसँगै घटना मिलाएको थाहा पाएपछि प्रहरीले अनुसन्धान शुरु गरेको छ ।