पचास करोडको १५ कठ्ठा जग्गा किर्ते गर्ने पक्राउ

२६ असाेज, काठमाडाैं । नेपाल प्रहरीको केन्द्रीय अनुसन्धान ब्यूरो सीआईबी पचास करोडको १५ कठ्ठा जग्गा किर्ते गर्ने ललितपुरका महानगरपालिका–१३ कुसुन्तीका केबल प्रताप जबरालाई पक्राउ गरेको छ ।

पर्सा वीरगञ्जन महानगरपालिका–५ मा रहेको कमलादेवी राजभण्डारीको कित्ता नम्बर ३, ७१, १४३ र १७६ को जग्गा किर्ते कागज गरि २०७६ फागुन १९ गते मुकेश राजभण्डारी भन्ने नाममा जग्गा पास गरि अर्कैलाई बेच्नको लागि ५० हजार बैना लिएको पाइएको केन्द्रिय अनुसन्धान ब्यूरो सीआइबीले जनाएको छ ।

सीआईबीका प्रमुख प्रहरी नायब महानिरीक्षक ‘डीआईजी’ सहकूल थापाले २०७६ फागुनमा मुकेश राजभण्डारीको नाममा किर्ते कागज बनाई नामसारी गरेको अनुसन्धानमा देखिएको बताएका छन । अभिुक्त जवराले मालपोतका कर्मचारीलाई समेत आफ्नो हातमा लिएर जग्गा आफ्नो हातमा पारेको देखिएको छ ।