पोखरिया प्रहरीमा खुलेयाम घुस असुली, चालिस हजार घुस नदिदाँ भन्सारमा
नेपालबहस संवाददाता
असोज २७, २०७७ मंगलबार १८:२६:६
२७ असोज, बीरगंज । इलाका प्रहरी कार्यालय पोखरियामा कार्यरत एक सईले चालिस हजार घुस मागेको र नदिएपछि भ्याट बील भएको मदिरा पनि भन्सारमा बुझाएको व्वसायीहरूले आरोप लगाएका छन् । प्रहरी निरीक्षक भर्खरै सरूवा भई आएका र नयाँ भएको कारण धेरै जानकारी नभएको मौकामा सई बैझनाथ दासले आफुले भनेको कुरा नभएपछि बकाइदा भ्याट बील भएको मदिरा पनि दुख दिने नियतले भन्सारमा बुझाएको उनीहरूको आरोप छ ।
दरबन्दीमा भएका सई विरामी भएपछि पोखरिया गएका सई दासले नियतबस नै उक्त काम गरेको उनीहरूले आरोप लगाएका छन् । आफुलाई सिंघम बताउँदै हिड्ने दास नेपाल प्रहरीभित्र ज्यादै बदनाम प्रहरी हुन् । चितवन हुँदादेखि नै ज्यादै बदनाम र विवादित दास बीरगंजमा झन् बदनाम छन् । यस्ता बदनाम सईलाई हालका आईजीपीले अब डाँडा कटाउलान त ? यहाँका जनजनको प्रश्न रहेको छ ।
मदिरा प्रकरण, मदिरा नियन्त्रण र बार्गेनिङ
प्रहरीले अघिल्लो बुधबार नियन्त्रणमा लिएको मदिरा बार्गेनिङ नमिलेपछि भन्सार बुझाइएको खबर प्राप्त भएको छ । मदिरा व्यवसायी संघ पर्साले सोमबार पत्रकार सम्मेलनको आयोजना गरी प्रहरीलाई आर्थिक रकम नदिएको कारणले प्रहरीले भ्याट बील भएको मदिरा भन्सार बुझाएको आरोप लगाएको हो ।
विभिन्न पसलहरुको लागि पठाइएको मदिराको भ्याट बीलसमेत हुदाँ समेत प्रहरीलाई आर्थिक लेनीदेनी नगरेको कारण प्रहरीले सो मदिरालाई भन्सार बुझाएको मदिरा व्यसायी रंजित जयसवालले आरोप लगाएका छन् । उनका अनुसार पर्साको छिपहरमाई गाउँपालिका वडा नं. १ मिर्जापुरबाट असोज २१ गते बुधबार प्रहरी चौकी मिर्जापुरले बा. ६ च. ४८१२ नम्बरको मदिरा बोकेको पिकपअ नियन्त्रण लिएको थियो ।
त्यसपछि पिकअपका चालकसँग फोन गर्न लगाई आर्थिक मेलमिलाप गर्नुपर्ने भन्न लगाइएको थियो तर आफुले सो आर्थिक मेलमिलाप गर्न नमानेपछि प्रहरीले नियन्त्रणमा लिई मदिरासहितको पिकअपलाई इलाका प्रहरी कार्यालय पोखरियामा पठाएको व्यवसायी जयसवालले बताए । उनले त्यहाँपनि कुरा नमिलेपछि प्रहरीले गत बिहिबार साँझ भन्सार बुझाएको थियो ।
मदिरा व्यवसायी संघ पर्साले नेपाल पत्रकार महासंघ पर्साको सभाहलमा आयोजना गरेको पत्रकार सम्मेलनमा पर्साको धोबिनी गाउँपालिकाको लंगडी, छिपहरमाई गाउँपालिकाको भिस्वा र मिर्जापुरका विभिन्न पसलहरुको लागि भ्याट बीलसहित मदिरा पठाएको मदिरा व्यवसायी जयसवालले बताए ।
तर प्रहरी चौकी मिर्जापुरले मदिरासहितको पिकअप नियन्त्रणमा लिएर मागेको खर्चबर्च नदिएपछि सुरुमा इप्रका पोखरियामा पठायो । त्यहाँ आफु पुग्दा सो दिन सई साहेबले तपाईको मदिराको कागजपत्र ठीक छ तपाई भोलि आउनुस् भनेर पठाएको बताए ।
त्यसको भोलीपल्ट बिहिबार विहान इप्रका पोखरियामा पुग्दा इन्सपेक्टर साहेब हुनु हुन्न पछि आउनुस् भनेर पठाइयो । पछि अपरान्ह ४ बजे फेरी इप्रका पोखरियामा पुग्दा सई साहबले इन्सपेक्टर साहबसँग भेट गर्न नदिई पठाउनु भयो । त्यसपछि सोही दिन सांझ ७ बजे प्रहरीले नियन्त्रमा लिएको मदिरासहितको पिकअप भन्सार बुझाएको उनले जानकारी दिए ।
उनका अनुसार प्रहरीले एक लाख ४० हजार मुल्य बराबरको विभिन्न किसिमको मदिरा नियन्त्रणमा लिएको थियो । प्रहरीले पक्राउ गरेको मदिरासहितको पिकअप र ३ जनालाई मानिसलाई वीरगंज भन्सार बुझाएपछि प्रक्रिया पुर्याएर ३ लाख ९४ हजार बिगो तिरेर छोडाएको उनले बताए ।
प्रहरीले कुनै सामान वा व्यक्तिलाई पक्राउ गरेपछि सोही दिन वा त्यसको भोलीपल्ट सार्वजनिक समेत गर्ने गरेको छ । यो मदिरा नियन्त्रणमा लिएर भन्सार बुझाएको ५ दिन बितिसक्दा पनि किन हो प्रहरीले केही सार्वजनिक गरेको छैन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
खिया लागेको जस्तामुनि मालढुंगाका प्रहरीको बास
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार