बुटवलमा कोरोनाबाट थप एक जनाको मृत्यु

२७ असोज, बुटवल । बुटवलमा कोरोना भाइरसबाट थप एक जनाको मृत्यु भएको छ । कोरोना विशेष अस्पतालमा आज बुटवल उपमहानगरपालिका–३ का ७२ वर्षीय पुरुषको उपचारको क्रममा मृत्यु भएको हो । अस्पतालका अनुसार उनलाई ज्वरो आउनुको साथै श्वासप्रश्वासमा समस्या देखिएपछि अस्पताल भर्ना भएका थिए ।

आइसियूमा उपचाररत उनलाई चेकजाँचको क्रममा असोज २ गते कोरोना संक्रमण पुष्टि भएको थियो । उनलाई मुटु र उक्त रक्तचापको समस्या रहेको पनि अस्पतालले जनाएको छ ।