विज्ञ डायस्पोराबाट नेपालको विकासमा योगदानको अपेक्षा
नेपालबहस संवाददाता
असोज २७, २०७७ मंगलबार २१:९:२२
२७ असोज, काठमाडौं । सही मञ्च भएमा विज्ञ डायस्पोरा र नेपाल सरकारका निकाय मिलेर देशको समग्र विकासमा केही काम गर्न सकिन्छ भन्ने विश्वास व्यक्त गरिएको छ । छरिएर रहेका विज्ञ र नेपालका नीतिनिर्मातासँग सम्बन्धित संघसंस्थासँग एकीकृत भएर काम गर्न जोड दिइएको छ ।
गैरआवासीय नेपाली संघका आयोजनामा भएको दोस्रो ज्ञान सम्मेलनमा सोसम्बन्धी तीन कार्यपत्र प्रस्तुत भएको थियो । ज्ञान र सञ्जालका क्षेत्रमा संघले गरेका र गर्न खोजेका विषयबारे सम्मेलनका संयोजक डा हेमराज शर्मा र डा हरि दाहालले संयुक्त रुपमा कार्यपत्र प्रस्तुत गरेका थिए ।
त्यस्तै नीति अनुसन्धान प्रतिष्ठान का अध्यक्ष डा विष्णुराज उपे्रती र परराष्ट्र मन्त्रालयका तर्फबाट सन्तोष गौतमले ज्ञान केन्द्रले गर्न खोजेका के के हुन् भन्ने विषयमा कार्यपत्र प्रस्तुत गरे ।
सन् २००३ मा स्थापित संघले देश बाहिर रहेको ज्ञान, सीप र पूँजीलाई नेपाल भित्र्याउने उद्देश्य राखेको थियो । विशेषतः सन् २००७ मा गैरआवासीय नेपाली संघ ऐन, २००९ मा यससँग सम्बन्धित नियमावली आएपछि उल्लेख्य प्रगति भयो । पछिल्लो समय नेपालको संविधानले गैरआवासीय नेपाली नागरिकतालाई सम्बोधन गरेको छ । राज्यले संघलाई कानूनी रुपमा मान्यता दिइसकेको छ । संघको माग राज्यले सम्बोधन गरिसकेको छ ।
विशेषतः अहिलेसम्म पूँजी भित्र्याउने विषयमा एनआरएनए केन्द्रित रहेको तथ्यांकले देखाउँछ । सन् २०१८ देखि विश्व ज्ञान सम्मेलन शुरु भएको थियो । एनआरएनएले विज्ञ डायरस्पोरालाई नेपालसँग जोड्ने प्रयास गरेको छ । एनआरएनले स्किल डाइरेक्टरी, स्किल नलेज एन्ड इनोभेसन, खुला विश्वविद्यालय, एनआरएनए एकेडेमी, नेपाल साइन्स फाउन्डेसन, हेल्थ एन्ड हाइजेनिक इप्रुभमेन्ट, सुरक्षित यात्रा र सडक सुरक्षा, क्लिन नेपाल, स्किल टे«निङ, कृषि प्रवद्र्धन र एनआरएनए साइटिफिक जर्नलका क्षेत्रमा काम गरेको छ ।
पछिल्लो समय एनआरएनएले एक उपाध्यक्षका नेतृत्वमा स्किल नलेज इनोभेसन डेभलपमेन्ट विभाग नै गठन गरेको छ । अहिले भएको पहिलो पुस्ताको डायस्पोरा हो, पहिलो पुस्ताका डायस्पराको सन्तानले पनि विश्वविद्यालयका पढाइ सकिसकेका छन् । उनीहरुले विदेशमा लिएको शिक्षा नेपाल सरकारले कुनै लगानी नगरी लिन सक्ने वातावरण तयार भएको कार्यक्रम संयोजक डा शर्माले बताए । उनले भने, ‘नयाँ पुस्ताका डायस्पोरालाई पनि नेपालसँग नजीक बनाउनुपर्छ र उनीहरुको ज्ञान नेपालमा उपयोग गर्नुपर्छ । त्यसका लागि कस्तो किसिमको मञ्च हुनुपर्छ भन्ने विषयमा पनि छलफल गर्ने बेला आएको छ ।’
नेपालमा जन्मेर संसारको उत्कृष्ट इन्स्टिच्युटमा कार्यरत नेपाली डायस्पोराको ज्ञान नेपालमा कसरी ल्याउन सकिन्छ भनेर प्रधानमन्त्री तथा परराष्ट्रमन्त्री चिन्तित रहेको नीति अनुसन्धान प्रतिष्ठानका अध्यक्ष डा उपे्रतीले जानकारी दिए । प्रतिष्ठानलाई कानूनी रुपमै मान्यता दिन ऐन निर्माणका लागि संसद्मा छलफल चलिरहेको बताइएको छ । नीति निर्माणको क्षेत्रमा नेपाल आएर केही सहयोग गर्न चाहने डायस्पोरालाई प्रतिष्ठानले स्वागत गर्ने डा उप्रेतीले बताए।
विद्वत् वर्गको पलायनका विषयमा परराष्ट्र मन्त्रालयबाट गौतमले कार्यपत्र प्रस्तुत गरेका थिए । परराष्ट्र मन्त्रालयमा रहेको ब्रेन गेन सेन्टरले डायस्पोरासँग कसरी सहकार्य गर्न सक्ने भन्ने विषय सो कार्यपत्रमा उल्लेख छ । डायस्पोराको संख्या सन् २०२५ सम्ममा १० लाख पुग्ने डा अम्बिकाप्रसाद अधिकारीले बताए । खाडी क्षेत्रमा जाने डायस्पोरा सम्झौतामा जाने भएकाले उनीहरुको योगदान ज्ञानभन्दा विप्रेषणमा बढी भएको डा अधिकारीको भनाइ थियो । नेपालमा बन्ने नीतिमा एनआरएनले अनुसन्धानका क्षेत्रमा सहयोग गर्न सक्यो भने ठूलो सहयोग पुग्ने किशोर थापाको भनाइ थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसानुबाबुका ११ गुदी मन्त्र, जसले अमेरिकामा व्यवसाय पूर्व तपाईँका आँखा खोल्छ !
चैत २८, २०८० बुधबार
पोर्चुगलमा समुद्रमा डुबेर एक नेपालीको मृत्यु, अर्का युवा बेपत्ता
चैत २६, २०८० सोमबार
सडक आश्रित मानवमुक्त राष्ट्र निर्माणमा अष्ट्रेलियावासीको सहयोग
चैत २५, २०८० आइतबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
सुर्खेतमा राष्ट्रिय युवा वैज्ञानिक सम्मेलन हुने
बैशाख १३, २०८१ बिहिबार
राष्ट्रिय चलचित्र पुरस्कारका लागि बोर्डले माग्यो आवेदन
बैशाख १३, २०८१ बिहिबार
यस वर्ष लुबाट थाइल्यान्डमा ३० जनाको मृत्यु, तातो मौसमको चेतावनी जारी
बैशाख १३, २०८१ बिहिबार
भलिबल प्रतियोगितामा सहभागी हुन खेलाडी तथा प्रशिक्षक बङ्गलादेश प्रस्थान
बैशाख १३, २०८१ बिहिबार
त्रिवि भूगोल केन्द्रीय विभागमा माटो परीक्षण तालिममा २० जना सहभागी
बैशाख १३, २०८१ बिहिबार
जाभी हर्नानडेज बार्सिलोनाको प्रशिक्षकमा रहिरहने
बैशाख १३, २०८१ बिहिबार