बलियो इंग्ल्याण्ड डेनमार्कसँग पराजित

२९ असोज, एजेन्सी । नेसन्स लिग फुटबलमा इङ्ल्याण्ड पराजित भएको छ । बुधबार भएको खेलमा डेनमार्कले इङ्ल्याण्डलाई १–० गोलले हराएको हो ।इङ्ल्याण्डका ह्यारी मागुईरीले सिजनको खराब सूरुवात गर्ने क्रममा ३१ औं मिनेटमा रातो कार्ड खादै मैदान बाहिरिएका थिए ।

पहिलो हाफमै १० खेलाडीमा सिमित बनेको इङ्ल्याण्डका रिस जेम्सले समेत अन्तिम समयमा रातो कार्ड पाएका थिए । इङ्ल्याण्ड ९ खेलाडीमा सिमित रहेर खेलको अन्त्य गरेको थियो ।

खेलको ३५ औं मिनेटमा क्रिस्टियन इरिक्सनले पेनाल्टीमा गोल गर्दै डकमार्कका लागि विजयी गोल गरेका थिए । इङ्ल्याण्ड ७ अंक सहित समूहको तेस्रो स्थानमा रहेको छ । डेनमार्क समान अंक सहित तालिकाको दोस्रो स्थानमा छ ।

सोही समूहको अर्को खेलमा बेल्जियमले आइसल्याण्डलाई २–१ ले हराएको छ । रोमेलु लुकाकुले दुई गोल गरेपछि बेल्जियमले आइसल्याण्डविरुद्ध जित निकाल्न सफल रह्यो ।