आज देशभर ३७४९ संक्रमित थपिए, ३५६४ जना डिस्चार्ज

२९ असोज, काठमाडौं । बिहीबार देशभर ३ हजार ७४९ कोरोना संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित हालसम्म संक्रमित हुनेको संख्या १ लाख २१ हजार ७४५ पुगेको उनले बताए।

यस दिन कोरोनाबाट ३ हजार ५६४ निको भएका छन्। यीसहित हालसम्म कोरोनाबाट निको हुनेको संख्या ८४ हजार ५१८ पुगेको छ। १६ हजार ५९८ जनाको पीसीआर परीक्षण गरिएको हो। अहिले देशभर ३६ हजार ५३३ जना सक्रिय संक्रमित छन्।