साताको अन्तिम दिन सामान्य मात्र बृद्धि भएको बजारको प्राविधिक विश्लेषणले के देखायो ?

२९ असोज, काठमाडाैं । आज शेयरबजारमा सामान्य मात्र वृद्धि देखिएको छ । नेप्से परिसूचक १ दशमलव २९ अंकले वृद्धि हुँदै १५६२ दशमलव ४६ को विन्दुमा बन्द भएको छ ।

आज १९६ कम्पनीको शेयर कारोवार हुँदा १ अर्ब ४२ करोडको शेयर कारोवार भएको छ । नेकपाका महासचिव विष्णु पौडेल अर्थमन्त्री भएको खबरसँगै सुरुवाती समयमा लगानीकर्ताहरु आकर्षित भएपनि त्यो आकर्षण धेरै बेर टिक्न सकेन् ।

नेप्से परिसूचक शुन्य दशमलव ०८ प्रतिशतले वृद्धि भएको छ । बजार १५६४ दशमलव ६९ को विन्दुमा खुलेकोमा बजारको उच्च विन्दु १५७९ दशमलव ५६ रहेको थियो । बजारले १५६० दशमलव ६९ को न्यून विन्दु समातेको थियो । आज बजारमा बिक्रीकर्ता नै हावी भएको देखिन्छ।

आज सर्वाधिक कारोवार हुने ५ कम्पनीहरु :

आज सर्वाधिक कमाउने ५ कम्पनीहरु :

आज सर्वाधिक गुमाउने ५ कम्पनीहरु :

✍ प्राविधिक बिश्लेषण :
प्रतिरोध २ः १६१५ । प्रतिरोध १ः १५८० । टेवा १ः १५४० । टेवा २ः १५००

✍ आज शेयर कारोबारको पहिलो समयमा नेप्से बढे पनि बजार खुलेको ४० मिनटमा नै बजार घट्यो, त्यसपछि बजार प्रवृत्तिहिन रहेको थियो । आजको मैनबत्तीले “इन्भर्टेड ह्यामर” मैनबत्तीको आकृति बनाएको छ, यसले बजारको प्रवृत्तिमा परिवर्तन हुन सक्ने संकेत गरे पनि अर्को दिनको मैनबत्तीलाई पनि बिश्लेषण गर्नु पर्ने हन्छ । आजको परिमाण भने प्रभावकारी देखिन्दैन ।

✍ दैनिकी अवधिमा “आरएसआई” ५४ दशमलब ४२ को बिन्दुमा छ। यसको प्रवृत्तिले बजारमा विक्रेताको चाप भए पनि बजार घट्दो प्रवृत्तिमा नरहेको जानकारी गराएको छ ।

✍ “एडीएक्स” र जोड ÷ बिजोड “डाइरेक्सनल इन्डेक्स”हरुले पनि बजारमा विक्रेताको चाप रहेको जानकारी गराएको छ।

✍ “अन ब्यालेन्स भल्यूम” ले बजारमा माग घट्न थालेको जानकारी गराएको छ।

✍ बजार लगभग तीन सातादेखि प्रवृत्तिहिन रहेको देखिन्छ र हाल बजार १५५० को टेवा क्षेत्र नजिक रहेको देखिए पनि बजार बढी हाल्ने संकेत भने गरेको नदेखिएकोले बजार प्रवेश गर्न अघि सूचकहरुको सकारात्मक संकेत पर्खनु उपयुक्त देखिन्छ ।