दशैंमा कनेक्ट आईपीएसमार्फत डिजिटल दक्षिणा दिनेलाई एक हजारको गिफ्ट भाउचर

२९ असोज, काठमाडौं । दशैंको चाड नगदरहित रुपमा मनाउन र डिजिटल भुक्तानीका माध्यमहरुलाई प्रोत्साहन गर्नका निम्ति एनसीएचएलले “मनाऔं दशैं १५ दिनै connectIPS सँगै“ भन्ने योजना ल्याएको छ ।

यस योजना अन्तर्गत बैंकका ग्राहकहरुले कार्तिक १ देखि १५ गतेसम्म कनेक्ट आईपीएसमार्फत आफ्ना आफन्तजनलाई डिजिटल दक्षिणा पठाउन सक्ने व्यवस्था गरिएका एनसीएचएलल जनाएकोे छ । जसअन्तर्गत हरेक दिन १० जना भाग्यशाली विजेताहरुले एक हजारकोे गिफ्ट भाउचार प्राप्त गर्न सक्नेछन् ।

connectIPS मा रजिष्टर गरेका बैंकका ग्राहकहरुले www.connectips.com वा यसको मोबाईल एप्समा रहेको “Transfer Digital Dakshina” मा क्लिक गरी डिजिटल दक्षिणा पठाउन सक्नेछन् । यसरी दक्षिणा पठाउने ग्राहकहरु मध्ये छानिएका १० दैनिक विजेताको घोषणा एनसीएचएलको अफिसियल पेजबाट गरिने भएको छ ।

बैंकका ग्राहकहरुले connectIPS मा एकपटक रजिष्टर गरी आफ्ना खाताहरु लिंक गरी बैंकबाट वा अनलाईनबाटै self- verify गराई सेवा सुचारु गर्न सक्दछन् ।

ग्राहकहरुले घरमै बसी सहज तरिकाले फण्ड ट्रान्सफर लगायतका अन्य भुक्तानीहरु खाताबाटै गर्न connectIPS को वेभसाइट (www.connectips.com),  यसको मोबाईल एप, बैंक वित्तिय संस्थाको मोबाईल/ईन्टरनेट बैंकिङ्गमा रहेको connectIPS तथा विभिन्न क्रेडिटरहरुको वेभसाइटमा जोडिएको payment gateway लगायतका माध्यमहरु प्रयोग गर्नसक्छन् ।