सप्तरीमा कोरोनाबाट पछिल्लो तीन महिनामा २२ जनाको मृत्यु
नेपालबहस संवाददाता
कात्तिक १, २०७७ शनिबार २२:२:३५
♦ धीरुभाइ
१ कात्तिक, सप्तरी । कोरोना संक्रमणबाट सप्तरीमा पछिल्लो तीन महिनामा चार महिलासहित २२ जनाको मृत्यु भएको छ । मृतकमध्ये असोज महिनामा मात्र १३ जनाको मृत्यु भएको स्वास्थ्य कार्यालय सप्तरीले जनाएको छ । कोरोनाबाट राजविराज नगरपालिकामा नौ, रुपनी गाउँपालिका, डाक्नेश्वरी नगरपालिका, राजगढ गाउँपालिकामा दुई÷दुई, विष्णुपुर गाउँपालिकामा तीन, खडक नगरपालिका, अग्नीसाइर कृष्णसवरण गाउँपालिका, तिलाठी कोइलाडी गाउँपालिका र कञ्चनरुप नगरपालिकाका एक÷एक जनाको मृत्यु भएको छ ।
जिल्लामा साउन १ गते राजविराज नगरपालिका ६ सिरहारोडका ७३ वर्षीय पुरुष व्यापारीको कोरोना संक्रमणबाट मृत्यु भएपछि मृतकको खाता खुलेको थियो । यससँगै साउनमा चार जनाको मृत्यु भएको छ । साउन २१ गते रुपनी गाउँपालिका ५ का ४२ वर्षीय पुरुष, २७ गते डाक्नेश्वरी नगरपालिका ८ का (हाल राजविराज ६) ७२ वर्षीय पुरुषको मृत्यु भएको छ ।
यसैगरी, भदौमा छ जनाको मृत्यु भएको छ । भदौ २ गते राजविराज नगरपालिका ४ का २८ वर्षीय पुरुष, ५ गते वार्ड नम्बर ७ का ७७ वर्षीय पुरुष, १३ गते वार्ड नम्बर २ का ६० वर्षीया महिला, १८ गते वार्ड नम्बर ७ का ४८, ५५ वर्षीय पुरुष, र ३१ गते खडक नगरपालिका ३ का ३५ वर्षीय पुरुषको संक्रमणबाट मृत्यु भएको स्वास्थ्य कार्यालय सप्तरीका वरिष्ठ मलेरिया इन्सपेक्टर नारायणप्रसाद राउत बरैले जानकारी दिए ।
त्यसैगरी, असोजमा १३ जनाको कोरोना संक्रमणबाट मृत्यु भएको छ । असोज ४ गते विष्णुपुर गाउँपालिका ३ का ६२ वर्षीया महिला, वार्ड नम्बर १ का ५५ वर्षीय पुरुष, ८ गते राजविराजका ६६ वर्षीय पुरुष (सिडिओको भान्से), ९ गते राजविराज ३ का ६३ वर्षीय पुरुष, सोही वार्डका ७१ वर्षीय पुरुष, १३ गते अग्नीसाइरकृष्ण सवरण गाउँपालिका ४ का ३९ वर्षीय पुरुष, १५ गते विष्णुपुर गाउँपालिका ५ का ६७ वर्षीय पुरुष, १६ गते तिलाठी कोइलाडी गाउँपालिका ५ का ६८ वर्षीय पुरुष, २२ गते राजविराज ६ (पुख्र्यौली राजगढ गाउँपालिका ४) का ७० वर्षीय पुरुष र रुपनी गाउँपालिका १ का ३६ वर्षीय पुरुष, २५ गते राजविराज ६ (पुख्र्यौली डाक्नेश्वरी नगपालिका ७) का ६६ वर्षीया महिला, २७ गते राजगढ गाउँपालिका ६ का ५९ वर्षीया पुरुष र २९ गते कञ्चनरुप नगरपालिका २ का ४६ वर्षीया महिलाको मृत्यु भएको उनले बताए ।
मृत्यु भएका अधिकाँश मानिस मधुमेह, उच्च रक्तचाप, मुटु, जस्ता दीर्घ रोगी रहेका थिए । संक्रमित मृतकमध्ये अधिकाँश उपचारको क्रममा बीपी कोइराला स्वास्थ्य विज्ञान प्रतिष्ठान धरान, नोबेल अस्पताल बिराटनगर, होम आइसोलेसन र उपचारको लागि अस्पताल लगिदै गर्दा बाटोमा मृत्यु भएको स्वास्थ्य कार्यालय सप्तरीका निमित कार्यालय प्रमुख दुनियालाल यादवले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबङ्गलादेशमा काेराेनाको जेएन-१ भेरियन्ट भेटिएको पुष्टि
माघ ५, २०८० शुक्रबार
गोरखमा पनि एक जनामा कोरोना पुष्टि
माघ २, २०८० मंगलबार
चितवनमा दश महिनापछि देखियो कोरोना, दुई जना संक्रमित
माघ २, २०८० मंगलबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
आयरल्याण्ड वुल्भ्सले नेपाललाई दियो २२३ रनको लक्ष्य
चैत १६, २०८० शुक्रबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार
बाँकेमा बालविवाह न्यूनीकरण चुनौतीपूर्ण
चैत १६, २०८० शुक्रबार
जुगल हिमाल आरोहणको अन्तिम तयारीमा
चैत १६, २०८० शुक्रबार