मंगलबार , कार्तिक ११, २०७७

पहिलो पटक दार्चुलाको अपिहिमालमा एकल पुरुषलाई भत्ता

पहिलो पटक दार्चुलाको अपिहिमालमा एकल पुरुषलाई भत्ता

२ कात्तिक, दार्चुला । ज्येष्ठ नागरिक, विधवा महिला, असहाय बालबालिका, दलित बालबालिकाले सरकारबाट सामाजिक सुरक्षा भत्ता पाएको हामीले सबैले सुनेकै छौँ । तर, एकल पुरुषले पनि भत्ता खाएको भने नसुनेको हुनसक्छ । दार्चुलाको अपिहिमाल गाउँपालिकाले एकल पुरुषलाई समेत भत्ता दिन थालेको छ ।

गाउँपालिकाभरिका एकल पुरुषलाई गाउँपालिकाले गत आर्थिक वर्षबाट रु ५०० का दरले मासिक भत्ता दिन थालेको हो । एकल महिलाजस्तै एकल पुरुष पनि समस्यामा पर्ने गरेका कारण भत्ता दिन थालिएको गाउँपालिका अध्यक्ष धर्मानन्द मन्यालले बताए ।

उनीहरुको आर्थिक अवस्थामा थोरै राहत पुगोस् भन्नका लागि भत्ता दिन थालिएको हो । गाउँपालिकाभरिका २८ एकल पुरुषले गत आर्थिक वर्षदेखि निरन्तर एकल पुरुष भत्ता खान थालेका छन् । अपिहिमाल गाउँपालिकाका अनुसार वडा नं १ का दुई, वडा नं २ का तीन, वडा नं ३ का नौ, वडा नं ४ का तीन, वडा नं ५ का पाँच र वडा नं ६ का छ जना एकल पुरुषले भत्ता पाइरहेका छन् ।

गाउँपालिकाले भत्ता दिन थालेपछि एकल पुरुष पनि खुशी छन् । अपिहिमाल गाउँपालिका–४ का करवीरसिंह ठेकरेले भने, “गाउँपालिकाले मासिक रु ५०० भत्ता दिएपछि साबुन, नुन, तेल किन्न सहज भएको छ । अझै यो रकम थप गरिदिए हामी एकल पुरुषलाई पनि सहज हुनेछ ।”

गाउँपालिकाले ज्येष्ठ नागरिकका लागि वृद्धाश्रम गत वर्ष नै निर्माण गरेको छ । यस्तै गाउँपालिकाले स्वास्थ्य संस्थामा आएर सुत्केरी हुने महिलालाई गाउँपालिकाको तर्फबाट रु एक हजार प्रोत्साहन भत्ता उपलब्ध गराउँदै आएको स्वास्थ्य शाखा प्रमुख राजेन्द्रसिंह धामीले बताए । प्रोत्साहन रकम पाउने भएपछि गर्भवती महिला स्वास्थ्य संस्थामा आएर सुत्केरी हुन थालेका छन् ।

प्रतिक्रिया

पढ्न लाग्ने समय : 0 मिनेट

सम्बन्धित समाचार

नेपालबहस ट्रेन्डिङ

लोकप्रिय

बाँदरलाई हानेको गोली लागेर एकको मृत्यु बाँदरलाई हानेको गोली लागेर एकको मृत्यु ५ घण्टा पहिले
सभापति देउवाले भने, घर-डेरामै सीमित रहेर पर्व मनाउनाैँ ! सभापति देउवाले भने, घर-डेरामै सीमित रहेर पर्व मनाउनाैँ ! २० घण्टा पहिले
कोरोनाको त्रासले दशैँको टीका लगाउन हिँड्नेको चहलपहल कम कोरोनाको त्रासले दशैँको टीका लगाउन हिँड्नेको चहलपहल कम १२ घण्टा पहिले
धरानमा उपचाररत थप एक कोरोना संक्रमितको मृत्यु धरानमा उपचाररत थप एक कोरोना संक्रमितको मृत्यु ६ घण्टा पहिले
चाँडै कोरोना भाइरसलाई जित्नेमा राष्ट्रपति भण्डारीकाे विश्वास चाँडै कोरोना भाइरसलाई जित्नेमा राष्ट्रपति भण्डारीकाे विश्वास ५ घण्टा पहिले
सामूहिक टीका कार्यक्रम नभएपछि कोटभैरव मन्दिर सुनसान सामूहिक टीका कार्यक्रम नभएपछि कोटभैरव मन्दिर सुनसान ११ घण्टा पहिले
दशैँले नेपालीहरुको राम्रो स्वास्थ्य, समृद्धि र भाग्य ल्याओस् : राजदूत क्वात्रा दशैँले नेपालीहरुको राम्रो स्वास्थ्य, समृद्धि र भाग्य ल्याओस् : राजदूत क्वात्रा १३ घण्टा पहिले
पर्वलाई कोरोना फैलने माध्यम बन्न नदिऔँ : उपराष्ट्रपति पुन पर्वलाई कोरोना फैलने माध्यम बन्न नदिऔँ : उपराष्ट्रपति पुन २० घण्टा पहिले