नगरपालिकाद्धारा एकै दिन ११ नयाँ भवन उद्घाटन
नेपालबहस संवाददाता
कात्तिक २, २०७७ आइतबार १४:२६:२८
२ कात्तिक, टीकापुर । कैलालीको टीकापुर नगरपालिकाले एकै दिन ११ नयाँ भवन उद्घाटन गरेको छ । पछिल्ला दुई वर्षयता भौतिक संरचना निर्माणलाई प्राथमिकता दिएको नगरपालिकाले शनिबार दुई वडा कार्यलय भवन, एउटा शहरी स्वास्थ्य केन्द्र र कुन्ती टोलको दलित बस्तीका आठवटा घर उद्घाटनसहित हस्तान्तरण गरेको हो । नगरपालिकाले आफ्नै कार्यालय नभएका वडा, शहरी स्वास्थ्य केन्द्रका भवन निर्माणलाई प्राथमिकता दिएर निर्माण गरेको हो ।
वडा कार्यालय भवन ४० प्रतिशत नगरपालिका र ६० प्रतिशत जिल्ला समन्वय समिति कैलालीको साझेदारीमा निर्माण गरिएका हुन् भने शहरी स्वास्थ्य केन्द्र सङ्घीय सरकारको सशर्त अनुदानबाट निर्माण गरिएको नगर प्रमुख तपेन्द्रबहादुर रावलले जानकारी दिए । यस्तै कुन्ती टोलको दलित बस्तीमा निर्माण गरिएका आठ घर तराई–मधेस समृद्धि कार्यक्रम र टीकापुर नगरपालिकाको साझेदारीमा निर्माण सम्पन्न भएका हुन् ।
यी सबै संरचना रु दुई करोडको लागतमा निर्माण सम्पन्न भएका इञ्जीनियर नवराज जोशीले जानकारी दिए । “यी सबै संचरनाको रकम जोड्दा रु दुई करोड खर्च भएको छ”, जोशीले भने, “भवन निर्माणकार्य समयमै सम्पन्न भएका छन् ।”
नवनिर्मित संरचनाको उद्घाटन गर्दै टीकापुर नगरपालिकाका प्रमुख रावलले अब टीकापुर नगरपालिकामा १ नं बाहेकका सबै वडा आफ्नै भवनबाट सञ्चालन भएको बताए । “हामी जनप्रतिनिधि भएर नगरपालिकाका प्रवेश गर्दा भौतिक संरचना सम्पन्न गराउने भनेका थियौँ”, तीन वर्षमा सबै कार्यालय आफ्नै भवनबाट सञ्चालन भएका छन् । आठ वडामा रहेका स्वास्थ्य संस्था, वडा कार्यालयलगायत कार्यालयका आफ्नै भवन बनेका छन् ।”
नगरप्रमुख रावलले आफ्नै भवन भएर पनि साँघुरो भएर गुजारा गरिरहेका केही स्वास्थ्य संस्थाका भवन निर्माणाधीन अवस्थामा रहेको समेत बताए । “नगरपालिकाले भवन निर्माणपछि आवश्यक सामग्री, घेरा पर्खालजस्ता संरचनासमेत बनाउनेछ”, रावलले भने, “यी सबै संरचना बनाउनुको एउटै उद्देश्य नागरिकलाई सेवा प्रवाहमा सहजता होस् भन्ने हो । कार्यालय भवन सार्ने झण्झट पनि अन्त्य हुने भएको छ ।”
नगरपालिकाले भवन हस्तान्तरण गरेपछि टीकापुर–७ कुन्तीटोलका दलित बस्तीमा खुशीयाली छाएको छ । घर पाएपछि उनीहरु मख्ख भएका छन् । “वर्षौँदेखि खरले छाएको चुहिने छानामा जीवन बिताएँ”, नयाँ भवन पाएकी आइती सुनारले भनिन, “अब त पक्की घरमा बस्न पाइने भयो । दुई कोठाको जस्ताले छाएको घर, बरण्डा पनि बनाइदिएको छ । म त निकै खुशी छु । बल्ल सरकार गाउँमा आएछ ।”
आइतीजस्तै कुन्तीटोलका नयाँ घर पाएका अन्य परिवार पनि खुशी छन् । उनीहरु अब वर्षेनी नदी कटान र बाढीको डुबानबाट बच्न सकिने बताउन थालेका छन् । “सरकारले घर बनाइदियो, अब ढुक्कले घरमा सुत्न पाइने भयो”, सुनार भन्छिन, “यहाँ बाटोघाटो पनि विकास गरिदिनुपर्छ । मोहना नदीमा निर्माणाधीन तटबन्ध धमाधम निर्माण गरिए हामी नदी कटानको जोखिमबाट समेत बच्नेछौँ ।”
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरञ्जिताको इच्छाविपरित सुदूरपश्चिममा नाउपाका ५ मन्त्री
चैत १५, २०८० बिहिबार
शुक्लाफाँटा राष्ट्रिय निकुञ्जमा खरमयुर गणना सुरु
चैत १५, २०८० बिहिबार
अछाममा ट्याक्टर दुर्घटना, ५ जनाको मृत्यु
चैत १२, २०८० सोमबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार