ओली र प्रचण्डबीच संवादहिनता
नेपालबहस संवाददाता
कात्तिक २, २०७७ आइतबार २१:०:४१
२ कात्तिक, काठमाडौं । कर्णाली प्रदेशको अन्तरद्धन्द्ध मिलाउन नेकपाका अध्यक्षद्वय केपी ओली र पुष्पकमल दाहाल प्रचण्डले नेताहरुलाई काठमाडौं बोलाए । मुख्यमन्त्री महेन्द्रबहादुर शाहीलगायत असन्तुष्ट नेतासमेत हतारिएर काठमाडौं हान्निए । तर, दुई अध्यक्षबीच बढेको असमझदारी र बेमेलले अहिले उनीहरु रनभुल्लमा परेका छन् ।
बिहीबार र शुक्रबार प्रदेशस्तरीय नेताहरुले प्रचण्डसँग बेग्लाबेग्लै भेटे । आफ्ना गुनासा सुनाए । तर ओलीले भने उनीहरुलाई समय दिन सकेनन् । शनिबार ओलीले दुबै पक्षलाई एकैपटक बालुवाटार बोलाए । साथै, प्रचण्डलाई समेत छलफलमा सहभागी हुन आमन्त्रण गरेका थिए । तर उनी बालुवाटार गएनन् ।
असोज २८ गतेसम्म अध्यक्षद्वयको घनिभूत वार्ता हुँदै थियो । तर प्रधानमन्त्री ओलीले एक्कासी सहमति बिनै मन्त्रिमण्डल पुनर्गठन गरे । त्यहाँबाट प्रचण्ड बिच्किएका छन् । त्यसयता ओली र प्रचण्डबीच भेटवार्ता भएको छैन । दशैंको मुखमा राजधानी आएका कर्णाली प्रदेशका नेताहरु समस्याको हल खोजेर जाने पक्षमा थिए । तर दुई अध्यक्षले एकैथलोमा बसेर कुरा नगरेकाले अहिलेलाई केही भएन । त्यसैले अब हामी भोलि नै घर फिर्दैछौं, एक प्रदेश सांसदले भने ।
हिजो प्रधानमन्त्री ओलीले प्रदेश संघ मातहतको प्रशासनिक इकाइ भएको आशय व्यक्त गर्दै मुख्यमन्त्री लगायत पदाधिकारीहरुले केही काम गर्दा प्रधानमन्त्रीको सहमति लिनुपर्ने बताएका थिए । साथै, प्रचण्डसँग छलफल गरेर समस्याको समाधान गर्ने पनि उनले बताएका थिए । तर ओली र प्रचण्डबीच दशैँ यता भेटवार्ता हुने सम्भावना कमै देखिन्छ ।
किनभने ओलीले प्रचण्डको मन भाँचिदिएका छन् – खुमलटार निकट स्रोत भन्छ । हिजो प्रदेशका नेतासँग ओलीले प्रचण्डले आफ्नै ढंगले पार्टी चलाउन खोजेको आरोपसमेत लगाएकाले भेट गर्न रुचि देखाएका छैनन् ।
अब जे हुने दशैंपछि नै गरौंला भन्दै प्रचण्ड पन्छन खोजेको स्रोतले बतायो । तर प्रचण्ड र नेता माधवकुमार नेपालबीचको संवाद भने बाक्लिएको छ । प्रचण्ड र नेता नेपालबीच कर्णाली प्रदेशका नेताहरुसँगको भेटमा छलफल भएको थियो । त्यसयता पनि उनीहरुबीच फोनमा नियमित सम्पर्क भइरहेको छ– स्रोतले भन्यो । दशैंपछि ओलीसँग कसरी कुरा गर्ने भन्नेमा नै नेताहरु वार्ता गरिरहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार