सरकार पछि हट्यो, अब आफ्नै खर्चमा कोरोना उपचार !

२ कात्तिक, काठमाडौं । कोरोना संक्रमितको उपचार गर्न सरकार पछि हटेको छ । स्वास्थ्य तथा जनसंख्या मन्त्रालयले कोरोना संक्रमितको उपचार गर्न नसक्ने भन्दै अब आफ्नै खर्चमा उपचार गर्नुपर्ने बताएको छ ।

आर्थिकरुपमा विपन्न, अशक्त, असहाय अवस्थामा रहेका नागरिक, असहाय एकल महिला, अति अपाङ्गता भएका नागरिक, जेष्ठ नागरिक, अग्रपंतीमा खटिने स्वास्थ्यकर्मी, सरसफाइ कर्मचारी, सुरक्षाकर्मीलगायत जोखिम क्षेत्रमा कार्यरत कर्मचारीको मात्रै उपचार सरकारले गर्ने र सर्वसाधारणले भने आफ्नो उपचार आफैले गर्नुपर्ने घोषणा सरकारले गरेको हो ।

सरकारको यो घोषणापछि अब आफ्नो उपचार आफैले गर्नु पर्ने भएको छ । आइतबारदेखि नै यो निर्णय लागु भएको पनि सरकारले जनाएको छ ।