म्यान्चेष्टर युनाईटेडको जर्सीमा काभानीको अभ्यास शुरु

३ कार्तिक, एजेन्सी । इडिन्सन काभानीले पहिलो पटक म्यान्चेष्टर युनाइटेडका सहकर्मीसंग अभ्यास सुरु गरेका छन् । फ्रेन्च क्लब पेरिस सेन्ट जर्मेन पीएसजीबाट युनाइटेड आएका काभानीले पहिलो पटक नयाँ क्लबका सहकर्मीसंग अभ्यास सुरु गरेका हुन् ।

उनी आगामी मंगलबार च्याम्पियन्स लिगमा पूर्व क्लब पीएसजीविरुद्ध उत्रने सम्भावना रहेको छ । उरुग्वेका अन्तराष्ट्रिय फरवार्ड नयाँ सिजन खेलाडी सरुवा बजारको अन्तिम दिन युनाइटेडसंग जोडिएका थिए ।

उनले गत सिजनको अन्तिममा लिग वान क्लब पीएसजी छाडेका थिए । ३३ वर्षिया फरवार्डले युनाइटेडमा आएपछि बेलायत सरकारले अनिवार्य गरेको क्वारेन्टिनमा बसेका थिए । कोरोना भाईरसका महामारीका कारण सरकारले देशभित्र आउने हरेक नागरिकका लागि कडा प्रोट्रोकल तयार गरेको छ ।

नापोलीका पूर्व खेलाडी युनाइटेडका चार मुख्य फरवार्ड मध्यका एक हुन् । उनीसंगै युनाइटेडका मार्कुस रासफोर्ड, एन्थोनी मार्टियल र ओडियन इग्लो मुख्य फरवार्डको रुपमा रहेका छन् ।

लिग वानमा रहदाँ उनी सन् २०१६ देखि २०१८ सम्म सर्वाधिक गोलकर्ताको रुपमा रहेका थिए । अन्तराष्ट्रिय मञ्चमा उनको टिम उरुग्वे सन् २०१४ को विश्वकपमा चौथो बनेको थियो । उनको सहयोगमा उरुग्वेले सन् २०१४ र २०१८ मा विश्वकपको नकआउटमा स्थान बनाएको थियो ।