संकटकाल र कर्फ्यु लाग्ने सूचना गलत : गृह मन्त्रालय

३ कात्तिक, काठमाडौं । मोबाइल, सामाजिक सञ्जाललगायत विद्युतीय माध्यममा संकटकाल लाग्ने, कर्फ्यू लाग्ने भनेर फैलिएको सूचना गलत भएको गृह मन्त्रालयले जनाएको छ ।

गृहले यी सूचनाको तथ्य नरहेको भन्दै सोमबार सजग गराएको छ। गृहले सोमबार विज्ञप्ति जारी गरी ती सूचना तथ्यहीन, भ्रामक, निराधार र गलत भएको जानकारी गराएको छ । एसएमएस प्रकरणलाई गम्भीरतापूर्वक लिइएको भन्दै आवश्यक अनुसन्धान प्रक्रिया समेत अघि बढाइएको गृहले  भनेका छन् ।