यातायातमन्त्री नेम्वाङलाई कोरोना संक्रमण पुष्टि

३ कार्तिक, काठमाडौं । भौतिक पूर्वाधार तथा यातायात मन्त्री बसन्त नेम्वाङलाई कोरोना संक्रमण पुष्टि भएको छ । नेम्वाङका स्वकीय सचिव गणेश योङहाङका अनुसार लक्षण देखिएपछि मन्त्रीले स्वाब दिएकोमा रिर्पोट पोजेटिभ आएको हो ।

सामान्य ज्वरो र खोकी लागेको लागेपछि रिर्पोट पोजेटिभ आउँदा मन्त्री नेम्वाङ मन्त्री क्वार्टरमै आइसोलेसनमा बसेका छन् । मन्त्री नेम्वाङले आफू संक्रमित भएकोले आफूसँग सम्पर्कमा आएकाहरूलाई सावधानी अपनाउन आग्रह गरेका छन्। यसअघि पर्यटनमन्त्री योगेश भट्टराई र शिक्षामन्त्री गिरिराजमणि पोखरेललाई पनि संक्रमण पुष्टि भएको थियो ।