कोरोनाले धरानमा दुई संक्रमितको ज्यान गयो

३ कात्तिक, काठमाडौं । धरानको वीपी कोइराला स्वास्थ्य विज्ञान प्रतिष्ठानमा दुई संक्रमितको मृत्यु भएको छ । सुनसरीको धरान–१८ का ७२ वर्षीय पुरुष र धरान–१७ का ६८ वर्षीय पुरुषको उपचारको क्रममा मृत्यु भएको अस्पतालले जनाएको छ ।

७२ वर्षीय पुरुषमा असोज २९ गते कोरोना संक्रमण पुष्टि भएकोमा सोमबार मात्रै उनलाई प्रतिष्ठानको कोभिड अस्पतालमा भर्ना गरिएको थियो । उपचारको क्रममा उनको सोमबार दिउँसो मृत्यु भएको हो ।

६८ वर्षीय पुरुषमा भने असोज २८ गते कोरोना पुष्टि भएको थियो । उपचारकै क्रममा उनको पनि सोमबार मृत्यु भएको अस्पतालले जनाएको छ ।