कोरोनाले विराटनगरमा एकैदिन ७ जनाको मृत्यु
नेपालबहस संवाददाता
कात्तिक ४, २०७७ मंगलबार १७:२१:४
४ कात्तिक, विराटनगर । विराटनगरमा कोरोना भाइरसको संक्रमणबाट एकैदिन ७ जनाको ज्यान गएको छ । विराटनगरका पाँच वटा अस्पतालमा उपचाररत सात जना कोरोना संक्रमितको मृत्यु भएको अस्पतालहरुले जनाएका छन् ।
मृत्यु हुनेमा कोशी अस्पतालका तीन तथा न्युरो अस्पतालको कोभिड १९ अस्पताल, विराट नर्सिङहोम, नोबेल र विराट मेडिकल कलेजको आइसोलेसनमा एक–एकजना कोरोना संक्रमितको मृत्यु भएको हो। मृतकमध्ये पाँच महिला र दुई पुरुष छन् ।
मोरङ कटहरी गाउँपालिका–२ आदर्श टोलकी २१ वर्षीया युवतीको बिहान ५ः३० बजेतिर कोशी कोभिड उपचार केन्द्रमा मृत्यु भएको छ । विराटनगर महानगरपालिका–१२ की ६४ वर्षीया वृद्धाको कोशीमै बिहान ४ः४५ बजेतिर मृत्यु भएको छ । सुनसरीको इटहरी उपमहानगरपालिका–५ का ३८ वर्षीय पुरुषको सोमबार साँझ ६ः३० बजेतिर कोशी कोभिड अस्पतालमा मृत्यु भएको छ । यसैगरी विराट नर्सिङ होममा मोरङको रंगेलीका वृद्धको मृत्यु भएको छ । रंगेली नगरपालिका–३ का ८५ वर्षीय वृद्धको उपचारका क्रममा मृत्यु भएको हो ।
न्युरो अस्पतालमा उपचाररत एक वृद्धाको मंगलबार बिहान मृत्यु भएको छ । विराटनगर महानगरपालिका–१० की ६४ वर्षीया वृद्धाको बिहान ५ बजे मृत्यु भएको अस्पतालले जनाएको छ ।
यसैगरी नोबेल मेडिकल कलेजमा विराटनगर महानगरपालिका–७ की ६९ वर्षीया वृद्धा महिलाको मृत्यु भएको छ । असोज २६ गते कोरोना पोजेटिभ देखिएकी महिलालाई शनिबार अस्पताल भर्ना गरिएको थियो ।
यस्तै झापा विर्तामोड–४ की ७६ वर्षीया संक्रमित वृद्ध महिलाको मोरङको बूढीगंगा गाउँपालिकामा रहेको विराट शिक्षण अस्पतालको आइसोलेसनमा मृत्यु भएको छ । यता बीपी कोइराला स्वास्थ्य विज्ञान प्रतिष्ठान धरानमा एक जनाको मृत्यु भएको छ ।
इटहरी सुनसरीका ५६ वर्षीय पुरुषको मृत्यु भएको प्रतिष्ठानका सहप्रवक्ता डाक्टर आशिष श्रेष्ठले जानकारी दिए । मृतकमा १ कात्तिकमा कोरोना पोजेटिभ देखिएको थियो । सोमबार बीपी प्रतिष्ठान भर्ना भएका उनको राति करिब साढे ९ बजे मृत्यु भएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबढ्यो कोरोना संक्रमण, एक हप्तामा २८ जना संक्रमित
चैत २०, २०८० मंगलबार
बङ्गलादेशमा काेराेनाको जेएन-१ भेरियन्ट भेटिएको पुष्टि
माघ ५, २०८० शुक्रबार
गोरखमा पनि एक जनामा कोरोना पुष्टि
माघ २, २०८० मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
प्रधानमन्त्री प्रचण्ड र ओलीबीच भेटवार्ता, राजनीतिक घटनाक्रमको विषयमा छलफल
बैशाख ११, २०८१ मंगलबार
कांग्रेस सांसद टेकबहादुर गुरूङको निलम्बन फुकुवा
बैशाख १२, २०८१ बुधबार
फिलिपिन्समा चरम गर्मीका कारण ६ को मृत्यु
बैशाख १२, २०८१ बुधबार
चैत २७ मा कर्णालीको मुख्यमन्त्री भएका कँडेलले बल्ल नियुक्त गरे एक जना मन्त्री
बैशाख १२, २०८१ बुधबार
म्नेस्टी इन्टरनेसनलले भन्यो, सन्तोषजनक छैन विश्वमा मानव अधिकारको अवस्था
बैशाख १२, २०८१ बुधबार
लुम्बिनीका ७ जना मन्त्रीले पाए जिम्मेवारी
बैशाख १२, २०८१ बुधबार
बोलेरोको ठक्करबाट तीन युवकको मृत्यु
बैशाख १२, २०८१ बुधबार