पूर्वप्रधानमन्त्री खनालको व्यवसायिक लाभमा अपारदर्शी खर्च
नेपालबहस संवाददाता
कात्तिक ४, २०७७ मंगलबार १९:४४:२४
कुनैपनि पेशा वा व्यवसाय गर्न पाउनु व्यक्तिको नैसर्गिक अधिकार हो । पेशा वा व्यवसायमा सानो या ठूलो आकार र लगानीले कुनै फरक पर्दैन । यसमा उसको लगनशिलता र दक्षता महत्वपूर्ण हुन्छ । बिषयमा विज्ञता र काममा दक्ष भएपछि जुनसुकै पेशा या व्यवसाय फस्टाउन समय भने लाग्दैन् ।
देशभरिमा यस्ता व्यवसायहरु हजारौंको संख्यामा सञ्चालित छन् । कसैले व्यवसायबाट राम्रै छलाङ्ग मारेका छन् भने कसैले आफ्नाे लगानी समेत गुमाउनु पर्ने अवस्थामा छटपटाई रहेका छन् । तर यहाँ कुरा कुनै व्यक्तिले व्यक्तिगत लगानीमा खोल्न लागेको व्यवसायको हैन, सरकारी ढुकुटीको चरमदोहन गर्दै देशकै प्रधानमन्त्री समेत भैसकेका व्यक्तिले आफ्नै नामको संस्था दर्ता गराई सञ्चालन गर्न सुरसार गरेको व्यवसायको बिषयमा गर्न लागिएको हो ।
झलनाथ खनाल, जसको नामैले देशका सर्वहारा वर्गका आम नागरिक श्रद्धाले शिर झुुकाउँछन् । हाम्रा नेता भनेर मजदुर र श्रमिकहरु ट्रेड युनियनको झण्डा उठाउँछन् । कतिले यिनकै पछि लागेर आफ्नाे सर्वस्व सके । कतिले जनताका पक्षमा काम गर्ने पार्टी हो भनेर धेरै पछिसम्म कुरेर बसे । यिनकै राष्ट्रवादीका गफमा कतिले आफ्नाे प्राण देशका श्रमजीवी वर्गको लागि भन्दै समर्पण गरे । कति दुई छाक अघाउन्जेल खान पाईन्छ भनेर यिनकै भरमा परे । कति, अझै केही त होलाकी भनेर आशावादमै जीवन बिताउँदैछन् । कतिले झण्डा मात्रै बोकेर भएपनि यस्तै नेताका लागि पृथ्वीको बोझ उठाउँदैछन् ।
तर जनताका पक्षमा माखोसम्म नमारेपछि, भोकानाङ्गा नागरिकका मुखमा र आङ्गमा खाना र नाना नपरेपछि बिस्तारै राजनैतिक नेताहरु अब राजनीतिबाट व्यापार तथा उद्योगधन्दा तिर लाग्न थालेका छन् । तिनै आशाका केन्द्र, जनताका प्रिय कमरेड झलनाथ खनालले पनि महाननेता भएकै कारण अहिले भने राम्रै प्रोजेक्ट हात पारेछन् ।
सरकारी ढुकुटीको रकम व्यक्तिका नाममा खोलिएका यस्ता संस्थानहरुबाट जनताका जनजीविकाका क्षेत्रमा कत्तिको फलदायी हुन्छन् ? यो त स्वयं रकम निकासा गरिदिने सरकार अनि व्यवसाय सञ्चालन गर्ने फाउण्डेसनलाई नै बढी जानकारी होला । तर आम नागरिकमा भने यसले व्यापक सरकारी अनुदानको रकम दुरुपयोग गरिएको खबर सञ्चार भएको छ । यसले स्वयं खनालजीलाई समेत समस्यामा पार्ने त हैन ? भनेर उनकै दलका कार्यकर्ताहरुको भनाई रहेको छ ।
आफ्नै पार्टीको सरकार हुँदा प्रोजेक्टमा राम्रै रकम पनि झारेछन् । जसको अहिले पनि चौतर्फी प्रशंसा भैरहेको छ । राष्ट्रिय ढुकुटीको अरबौं रुपैयाँ गाडी, तेल र पार्टी कार्यकर्ताको भरणपोषणमा गैरहेको छ । जे भए पनि, जसो गरे पनि कमरेडहरुलाई सुहाउँछ । कमरेडहरुले गरेको काम आम नागरिकलाई मात्रै लाज लाग्छ । उनीहरुका कार्यकर्ताहरुलाई भने सुगन्धित अत्तर जस्तै गन्हाउँछ ।
यहि भएर त उनले (झलनाथ खनाल) पनि सर्पपालन व्यवसाय थालेछन् । झलनाथ खनाल, स्वास्थ्य विज्ञान प्रतिष्ठान अन्तर्गत एण्टिभेनम उत्पादन तथा अनुसन्धान केन्द्रका नाममा खोलिएको उक्त संस्थाको अहिले चौतर्फी चर्चा हुन थालेको छ । एउटा ईलामेली केटोले पनि सर्पपालन व्यवसाय थालेको छ । राजनीतिबाट त्यति फाईदा नपुग्ने अवस्था देखिएपछि संस्थामार्फत भएपनि गुजारा त चलाउनै पर्यो ।
तर देशको एउटा होनहार नेता, देशकै पूर्व प्रधानमन्त्रीसमेत रहेको व्यक्ति किन यसरी व्यापार व्यवसाय तिर झर्यो ? सरकारी ढुकुटीको रकम व्यक्तिका नाममा खोलिएका यस्ता संस्थानहरुबाट जनताका जनजीविकाका क्षेत्रमा कत्तिको फलदायी हुन्छन् ? यो त स्वयं रकम निकासा गरिदिने सरकार अनि व्यवसाय सञ्चालन गर्ने फाउण्डेसनलाई नै बढी जानकारी होला । तर आम नागरिकमा भने यसले व्यापक सरकारी अनुदानको रकम दुरुपयोग गरिएको खबर सञ्चार भएको छ । यसले स्वयं खनालजीलाई समेत समस्यामा पार्ने त हैन ? भनेर उनकै दलका कार्यकर्ताहरुको भनाई रहेको छ ।
देश बनाउन हिँडेका युवाहरुले व्यापार व्यवसायमा दिलचस्पी देखाउन थालेपछि ईलामेली जनता रणभुल्लमा परेका छन् । खनालजी राजनीतिज्ञ कि व्यापारी या उद्योगपति भनेर प्रश्न गर्न थालेका छन् । हुन त यसरी नै राजनीतिबाट बिश्राम लिने नेताहरुबाट व्यवसाय प्रर्बद्धनमा अग्रसरता देखाउने हो भने सयौं मजदुर कार्यकर्तालाई रोजगार दिलाउन सकिन्छ । बैदेशिक रोजगारीमा जाने हजारौं युवाहरुलाई स्वदेशमै थन्क्याउन सकिन्छ । बुढा नेतृत्वलाई पन्छ्याउँदै नयाँ नेतृत्वलाई अवसर प्रदान गर्न सकिन्छ । उद्योग तथा कलकारखानाबाट उत्पादित एण्टिभेनम स्वदेशमा उपयोग गर्दै विदेशमा समेत निर्यात गर्नसके प्रशस्तै विदेशी मुद्रा स्वदेश भित्र्याउन सकिन्छ ।
तर सरकारी ढुकुटीबाट अनुदानका रुपमा प्राप्त रकमको चरम दुरुपयोग र बिलासिताका बस्तुमा मात्रै खर्च गर्ने अनि पार्टीका कार्यकर्तालाई दशैं लगायतका चाडबाड मनाउने अवसरका रुपमा मात्रै उपयोग गर्ने हो भने यसले झनै ठूलो आर्थिक बिचलन र राजनैतिक संकट निम्त्याउन सक्छ । जसले देशका महाननेतामा गनिसकेका, देशकै प्रधानमन्त्री समेत बनिसकेका, नेकपा भित्रै मध्यममार्गी नेताका रुपमा चिनिएका, कुनै गुटको नेतृत्व नगरी सिंगो पार्टी बनाउन खटिएका एक ईमान्दार नेताको कोटमा कालो दाग लाग्नु हुँदैन भन्ने मात्रै मेरो व्यक्तिगत धारणा हो ।
समारचारमा आए अनुसार सरकारले उक्त परियोजनालाई दिएको ठूलो परिणामको रकम एण्टिभेनम उत्पादनमा खर्च गर्नुको सट्टा आवश्यकता नै नरहेका बिलासिताका वस्तुमा खर्च भैरहेको समाचार बजारमा आईरहँदा आम नागरिकको चासो र गुनासो चुलिने अवस्थामा पुगेको छ ।
उक्त परियोजनाले हालसम्ममा गाडी खरिदमा ४९,४४,०००।–, गाडी मर्मतमा ३,४१,०००।–, ईन्धन खर्च बापत १०,८३,०००।–, कार्यालय फर्निचर बापत १८,८०,०००।–, एसी खरिद बापत ३,६०,०००।–, क्यामेरा खरिद बापत ३,१२,०००।–, र हवाईभाडा बापत ४,००,०००।– खर्च भैसकेको बिवरणहरु सार्वजनिक रुपमा आम सञ्चार माध्यममा छ्यापछ्याप्ती आउन थाल्नुले खर्चका बिवरण सार्वजनिक गर्नु राम्रो पक्ष भए पनि भएका खर्चहरुले उक्त परियोजनाको कार्यान्वयन पक्ष कमजोर र आर्थिक अपचलनको प्रशस्त आधारहरु देखाईरहेको छ ।
सर्लाहीको लालबन्दी नगरपालिकाबाट १७ करोड ८० लाख रुपैयाँ प्राप्त गरेको प्रतिष्ठानले केन्द्र सरकारबाट ७२ करोड रुपैयाँ उपलब्ध गराउने प्रतिबद्धता समेत पाईसकेको कुरा जानकारीमा आएको छ । त्यसकारण यस्ता समाचारहरुमा आएका कुराहरुलाई यथासक्य चाँडो निर्मलीकरण गरी नागरिकमा ईमान्दारिता प्रस्तुत गर्न पूर्वप्रधानमन्त्री समेत भैसकेका झलनाथ खनालले ढिलाई गर्नु हुदैन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजब चिनी तीतो हुन्छ: डा. अरुणा उप्रेती
चैत १२, २०८० सोमबार
अर्थतन्त्र दलाल र कमिसनखोरको चंगुलमा, अर्थमन्त्री खर्च गर्ने क्षमताको खोजीमा
चैत ९, २०८० शनिबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
एसएसपी अधिकारी सशस्त्रको डीआईजीमा सिफारिस
चैत १६, २०८० शुक्रबार
चैते झरीले बाटो हिलाम्य, ३० मिनेटको दूरीलाई चार घण्टा
चैत १६, २०८० शुक्रबार
हेलम्बुमा हाइअल्टिच्युड भलिबल प्रतियोगिता हुने
चैत १६, २०८० शुक्रबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार