दिउँसो बालिकामाथि बलात्कार, मध्यरातमा महिलामाथि करणी !

४ कार्तिक, सल्यान । दिउँसो बालिकामाथि र राती अशक्त महिलामाथि बलात्कार गरेको आरोपमा सल्यानमा २ जना पक्राउ परेका छन् ।

शारदा नगरपालिका–१ का ३२ वर्षीय शरद रेउले र कालीमाटी गाउँपालिका–२ का २९ वर्षीय नारायणप्रसाद कँडेललाई प्रहरीले बलात्कार आरोपमा पक्राउ गरेको हो ।

रेउले शारदा नगरपालिकाकी २७ वर्षीय अशक्त महिला र कँडेल ६ वर्षीया बालिकालाई बलात्कार गरेको आरोपमा पक्राउ परेका हुन् ।

आइतबार राति अशक्त महिलालाई बलात्कार गर्ने क्रममा महिला चिच्याएपछि छिमेकीले रेउलेलाई नियन्त्रणमा लिएका थिए । बालिका बलात्कारका आरोपी कँडेल घटनालगत्तै फरार थिए । दुवै घटनाबारे आवश्यक अनुसन्धान भइरहेको प्रहरीले जनाएको छ ।