थपिए ३०९३ संक्रमित, २१०८ जना डिस्चार्ज !

४ कात्र्तिक, काठमाडौं । नेपालमा पछिल्लो चौबिस घण्टामा ३ हजार ९३ जना कोरोना संक्रमित थपिएका छन् । विभिन्न प्रयोगशालामा गरिएको परीक्षणमा थप ३ हजार ९३ जनालाई संक्रमण पुष्टि भएको हो । यससँगै सक्रिय संक्रमितको संख्या ४१ हजार ७७५ पुगेको छ।

अहिलेसम्म कूल संक्रमितको संख्या भने १ लाख ३९ हजार १२९ पुगेको छ । यस्तै आइसोलेसनमा १३ हजार ५५९ जना रहेका छन् भने २८ हजार १९६ होम आइसोलेसनमा छन्। यस्तै क्वारेन्टाइनमा ४ हजार २२० जना रहेका छन्।

मंगलबार २१ सय ८ जनाले कोरोना जितेर डिस्चार्ज भएको मन्त्रालयले जनाएको छ। योसँगै कुल डिस्चार्ज हुनेको संख्या ९६ हजार ६०९ पुगेको छ।

आइसीयूमा २७३ र ६३ जनाको भेन्टिलेटरमा उपचार भइरहेको छ। नेपालमा कोरोनाबाट ७६५ जनाको मृत्यु भएको छ। मंगलबार मात्रै ८ जनाको मृत्यु भएको छ ।