कर्णालीका विषयमा ओली र प्रचण्डबीचको ४ बुँदे सहमति विवादमा

४ कात्तिक, काठमाडौं । कर्णाली प्रदेशका विषयमा नेकपाका अध्यक्षद्धय प्रधानमन्त्री केपी शर्मा ओली र कार्यकारी अध्यक्ष पुष्पकमल दाहालबीचको ४ बुँदे सहमति विवादमा परेको छ । ओलीले ४ बुँदे सहमति भएको भनेपनि प्रचण्डले भने त्यसलाई अस्वीकार गरेका छन् ।

प्रधानमन्त्री ओली निकटका नेताहरुले बालुवाटारमा प्रचण्डसँग ४ बुँदे सहमति भएको बताएका छन् । तर प्रचण्ड पक्षले भने सहमति नभएको बताएको छ । यसले कर्णाली प्रदेशको विवाद नयाँ उत्कर्षमा पुगेको छ ।

मुख्यमन्त्री महेन्द्रबहादुर शाहीविरुद्ध अविश्वासको प्रस्ताव दर्ता भएपछि कर्णालीका नेताहरु काठमाडौंमा छन् । तर विवाद समाधान हुनुको साटो झन् झन् बढ्दै गएको छ ।