कोरोना अस्पताल बुटवलमा थप दुईजना संक्रमितको मृत्यु

५ कात्तिक, काठमाडौं । रुपन्देहीको कोरोना अस्पताल बुटवलमा थप दुईजना कोरोना संक्रमितको मृत्यु भएको छ । वडा नं. ११ देवीनगरका ४७ वर्षीय पुरुष र वडा नं. १७ मोतिपुरका ८१ वर्षीय पुरुषको उपचारका क्रममा मृत्यु भएको हो ।

दुवैजनाको भेन्टिलेटरको सहायतामा उपचार भइरहेको थियो । उनीहरु दुवै जना बुटवल उपमहानगरपालिका हुन् । असोज २४ गते कोरोना संक्रमण पुष्टि भएपछि सोही दिन अस्पताल भर्ना भएका ४७ वर्षीय पुरुषको बुधबार बिहान १ः१० बजे मृत्यु भएको अस्पतालले जनाएको छ ।

यस्तै असोज २७ गते कोरोना संक्रमण पुष्टि भएपछि सोही दिन अस्पताल भर्ना भएका ८१ वर्षीय पुरुषको बुधबार बिहान ५ बजे मृत्यु भएको छ ।योसँगै रुपन्देहीमा कोरोना संक्रमणबाट मृत्यु हुनेको संख्या ५३ पुगेको छ ।