कुमारी बैंकले १४ % लाभांश वितरण गर्ने

५ कार्तिक, काठमाडौं । कुमारी बैंक लिमिटेडले आर्थिक वर्ष २०७६/७७ का लागी आफ्ना शेयरधनीहरुलाई बोनस शेयर र नगद लाभांश दिने घोषणा गरेको छ ।

आज बसेको बैंकको संचालक समितिको ९—२०७७/७८ औं बैठकले आर्थिक वर्ष २०७६/७७ को मुनाफाबाट १० % बोनस शेयर तथा ४ % नगद लाभांश दिने प्रस्ताव पारित गरेको छ । उक्त प्रस्ताव नेपाल राष्ट्र बैंक र बैंकको आगामी वार्षिक साधारणसभाबाट स्वीकृत भएपछि लागू हुने बैंकले जनाएको छ ।

विगत २० वर्षदेखि आफ्ना देशव्यापी शाखा संजाल, एटीएम, विस्तारित काउन्टर लगायत शाखारहित बैंकिंङ इकाईहरुमार्फत अत्याधुनिक बैंकिंग सेवा दिदै आएको कुमारी बैंकको निक्षेप रु १२२ अर्ब र कर्जा लगानी रु ११५ अर्ब रहेको बैंकले जनाएको छ ।