नेपालमा राजनीतिक हलचल मच्चाएर ‘रअ’ प्रमुख दिल्ली फर्किए

६ कार्तिक, काठमाडौं । नेपालमा राजनीतिक हलचल मच्चाएर भारतीय गुप्तचर संस्था रिसर्च एण्ड एनालाइसिस विङ ‘रअ’ का प्रमुख सामन्तकुमार गोयल  दिल्ली फर्किएका छन् ।

बुधबार दिउँसो नेपाल आएका गोयलले नेपालमा राजनीतिक दलका प्रमुख तथा विभिन्न नेताहरू भेटेर फर्किएका छन् । गोयलको टोली बिहीबार बिहान त्रिभुवन अन्तर्राष्ट्रिय विमानस्थलमा देखा परेकाले दिल्ली फर्किएको प्रमाणित भएको हो ।

त्रिभुवन अन्तर्राष्ट्रिय विमानस्थल सुरक्षा स्रोतका अनुसार आईएफबी ६०४५ कल साइनको चार्टर्ड उडानबाट उनीहरु स्वदेश फर्किएका छन् ।