काेराेनाबाट कांग्रेस नगरपालिका कार्य समितिका सभापतिको मृत्यु

६ कार्तिक, रुपन्देही ।  बुटवलको कोरोना विशेष अस्पतालमा थप एक संक्रमितको आज मृत्यु भएको छ । कञ्चन गाउँपालिका–३ की ४८ वर्षीय महिलाको कोरोना संक्रमणबाट मृत्यु भएको लुम्बिनी प्रादेशिक अस्पतालका सूचना अधिकारी डा.विष्णु गौतमले जानकारी दिए ।

कात्तिक ४ गते लुम्बिनी प्रादेशिक अस्पतालमा भर्ना भएकी ती महिलामा ज्वरो र स्वासप्रश्वासमा समस्या रहेको थियो ।  यसैगरी नवलपरासी ‘बर्दघाट सुस्ता पश्चिम’ मा कोरोना संक्रमणबाट नेपाली कांग्रेस रामग्राम नगरपालिका कार्य समितिका सभापतिको मृत्यु भएको छ ।

उनमा यही कार्तिक ४ गते नेशनल प्याथ ल्याब बुटवलमा गरिएको परीक्षणको क्रममा कोरोना संक्रमण पुष्टि भएको थियो । संक्रमणपछि होम आइसोलेशनमा रहेका उनको आज मृत्यु भएको स्वास्थ्य कार्यालय परासीका निमित्त प्रमुख कृष्णप्रसाद पोखरेलले जानकारी दिए ।