लिवियालीमा द्वन्द्वरत समूहबीच ’स्थायी’ युद्धविराम सम्झौतामा हस्ताक्षर
नेपालबहस संवाददाता
कात्तिक ७, २०७७ शनिबार ३:२१:५२
७ कार्तिक, जेनेभा । लिवियाका दुई प्रतिद्वन्द्वी समूहहरूले संयुक्त राष्ट्रसंघको मध्यस्थतामा पाँच दिनको वार्तापछि शुक्रवार स्थायी युद्धविराम सम्झौतामा हस्ताक्षर गरेका छन् । उनीहरूले यो कदमलाई ऐतिहासिक क्षणको रूपमा उल्लेख गरेका छन् ।
“लिबियाली जनताका लागि आजको दिन शुभ हो,“ समस्याग्रस्त उत्तरी अफ्रिकी देशका लागि संयुक्त राष्ट्रसंघका दूत स्टेफनी विलियम्सले भने । त्रिपोलीमा संयुक्त राष्ट्रसंघद्वारा मान्यता प्राप्त सरकारले पूर्वमा रहेको प्रतिद्वन्द्वी प्रशासनसँग संघर्ष गरिरहेको छ र शक्तिशाली सैनिक जनरल खलीफा हफ्तरको नियन्त्रण रहेको छ ।
“शुक्रबार बिहान ११ः१५ मा जेनेभास्थित संयुक्त राष्ट्र संघीय मुख्यालयमा दुई लिबियाली प्रतिनिधिमण्डलले तत्काल लागु हुनेगरी देशव्यापी तथा स्थायी युद्धविराम सम्झौतामा हस्ताक्षर गरेका छन्,” उनले भने । विलियम्सले भने, “ सबै सैन्य इकाइ र सशस्त्र समूहहरु आफ्नो शिविरहरुमा फर्किनका लागि स्थायीरूपमा द्वन्द्व अन्त्यका लागि सहमत भएका छन् । “आजदेखि अधिकतम तीन महिनाको अवधिमा लिबियाली स्थल, आकास र जल क्षेत्रबाट सबै विदेशी लडाकूहरू फिर्ता हुनेछन् ।”
नाटो समर्थित विद्रोहमा तत्कालिन शासक मोहमर गद्दाफीको पतन र हत्यापछि लिबिया लगभग एक दशकदेखि द्वन्द्वको घेरामा परेको छ । त्यसबेलादेखि लिविया दुई कडा विरोधी प्रशासनबीच विभाजित छ । तर अगस्टमा दुई सशस्त्र समूहले छुट्टै शत्रुता बन्द गर्ने घोषणा गरेपछि समाधानको आशा बढेको थियो । यद्यपि दुबै पक्षले एक अर्कालाई “आतंकवादी“ समूहलाई समर्थन गरेको आरोप लगाउन भने छाडेका छैनन् ।
यूरोपियन युनियन र लिबियाको पूर्व औपनिवेशिक शक्ति इटालीले यो सम्झौताको प्रशंसा गरेको छ । “स्थायी युद्धविरामको सहमति राजनीतिक वार्तालाप पुनः सुरु गर्नका लागि महत्वपूर्ण छ,“ ईयूको विदेश नीति प्रवक्ता पीटर सानोले भने, “यो सम्झौतालाई कार्यान्वयन भएको देख्नु पनि महत्वपूर्ण हुनेछ ।” एएफपी
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबारम्बार लडेपछि अमेरिकी राष्ट्रपति बाइडेनका लागि बनाइयो विशेष जुत्ता
चैत ६, २०८० मंगलबार
प्रजनन उपचारका लागि आयात गरिएको मानव अण्डामा हेमोफिलिया बी रोग
चैत ५, २०८० सोमबार
माल्दिभ्सले चुनावका लागि भारतमा पनि राख्नेछ मतपेटिका
चैत ५, २०८० सोमबार
काली कम्बल वाले बाबा फरार, आयोजकलाई समात्न खोज्दा झडप
आबिद हुसेन
चैत ४, २०८० आइतबार
विनोद चौधरीलाई पक्राउ गर्ने सीआईबीको तयारी
नेपालबहस संवाददाता
चैत ४, २०८० आइतबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
नेपालबहस संवाददाता
चैत ५, २०८० सोमबार
हुण्डीको कारोबारामा संलग्न रहेको आरोपमा वीरगञ्जबाट एक जना पक्राउ
चैत ५, २०८० सोमबार
बन्दुकसहित दुर्गा प्रसाईंका सुरक्षा गार्ड पक्राउ
चैत ५, २०८० सोमबार
शासकहरू
चैत ५, २०८० सोमबार
शुक्लाफाँटाका बेरोजगारलाई सय दिनको रोजगारी उपलब्ध गराइने
चैत ६, २०८० मंगलबार
पशु बीमा गर्न कठिन भएकाे किसानकाे गुनासाे
चैत ६, २०८० मंगलबार
घाइते भन्छन्:- चालकको लापरबाहीले दुर्घटना भयो
चैत ६, २०८० मंगलबार
लटरम्म फलेको स्ट्रबेरी
चैत ६, २०८० मंगलबार