बुटवलको कोरोना अस्पतालमा थप दुई जनाको मृत्यु

११ कार्तिक, काठमाडौं । रुपन्देहीको बुटवलमा रहेको कोरोना अस्पतालमा थप दुई जना कोरोना संक्रमितको मृत्यु भएको छ । तिलोत्तमा–११ की ५० वर्षीया महिला र बुटवल–१३ का ५२ वर्षीय पुरुषको उपचारका क्रममा मृत्यु भएको हो ।

कार्तिक १० गते कोरोना संक्रमण पुष्टि भएपछि अस्पताल भर्ना भएकी तिलोत्तमाकी महिलाको सोही दिन राति सवा ८ बजे मृत्यु भएको हो ।यस्तै कात्तिक ७ गते कोरोना संक्रमण पुष्टि भएपछि सोही दिन अस्पताल भर्ना भएका बुटवलका पुरुषको मंगलबार बिहान ६ बजे मृत्यु भएको हो ।