पीसीआर परिक्षणका लागी हुम्लाबाट स्वाब सुर्खेत पठाइयो

१२ कार्तिक, सिमकोट । जिल्ला अस्पताल हुम्लाले मंगलबार ३२ जनाको पीसीआर परिक्षणका लागी स्वाब संकलन गरेको छ । कार्तिक दुई गते स्वाब संकलन गरी ४ गते पोजेटिभ देखिएका एक अनमी र तीन सशस्त्र प्रहरी सहित उनीहरुको सम्पर्कमा आएका गरेर ३२ जनाको स्वाब सुर्खेत पठाइएको छ ।

पोजेटिभ देखिएका चार जना सहित उनका सम्पर्कमा आएका स्वास्थ्यकर्मी र सशस्त्र प्रहरी, एक ड्राइभरको स्वाब आज बुधबार विहान सुर्खेत पठाइएको जिल्ला अस्पतालका सूचना अधिकारी भक्ति फडेराले बताए । हुम्लामा हालसम्म नौ जनामा कोरोना सङ्क्रमण देखिएको छ भने चार सक्रिय संक्रमित रहेको सूचना अधिकारी फडेराले बताए ।