डार्लिङ तिमी वालामा पूजा र सन्तोषको अभिनय

१३ कार्तिक, काठमाडौं । नायिका पूजा शर्मा र गायक तथा मोडल सन्तोष विक्रम खड्गीको अभिनय रहेको ‘डार्लिङ तिमी वाला’ बोलको गीत सार्वजनिक भएको छ । पहिलो भाग भन्दै सार्वजनिक गरिएको यो गीतमा सन्तोष कुमार खड्गीको स्वर, निर्मल वीकको शब्द तथा संगीत छ ।

साहिल खानको निर्देशनमा तयार भएको यो भिडियोमा सुरेन्द्र बसेलको कोरियोग्राफी, सुदिप बरालको छायांकन, साहिल खान र मिलन श्रेष्ठको सम्पादन छ ।

यो गीतलाई नेपाली र नेवारी भाषाको फ्यूजनको रुपमा प्रस्तुत गरिएको छ । नायिका पूजा शर्मा गीतको भिडियोमा कतै आधुनिक तथा कतै नेवारी पहिरनमा देखिएकी छिन् । निर्देशक साहिल खानले आफ्नो लागि यो भिडियो विशेष रहन पुगेको बताएका छन् ।

https://youtu.be/K6swhuX3u9w