जुवा खालबाट १ लाखसहित पूर्व राज्यमन्त्री राय पक्राउ

१६ कार्तिक, काठमाडौं । महानगरीय प्रहरी वृत्त स्वयम्भुको प्रहरीको टोलीले पूर्व राज्यमन्त्री खोभारी रायलाई जुवा खालबाट पक्राउ गरेको छ । टोलीले रायसहित १० जनालाई जुवा खालबाट पक्राउ गरेको हो । प्रहरीले जुवा खालबाट १ लाख ५३ हजार रुपैयाँ पनि बरामद गरेको छ ।

खोभारी राय २०५२ सालमा शेरबहादुर देउवाको पालामा र २०५३ सालमा लोकेन्द्रबहादुर चन्दको पालामा उनी राज्यमन्त्री भएका थिए । २०६४ सालमा सर्लाही क्षेत्र नम्बर ५ बाट सांसद निर्वाचित भएका उनी २०७४ सालमा तत्कालीन नेकपा माओवादी केन्द्रमा प्रवेश गरेका थिए । विवादित छविका खोभारी राय त्यसयता राजनीतिमा निष्कृय छन् ।