चेन्नेईविरुद्धको निर्णायक खेलमा पञ्जाबको पहिले व्याटिङ

१६ कार्तिक, एजेन्सी । आईपीएल क्रिकेटको निर्णायक खेलमा किंग्स एलेभेन पञ्जाबले आइतबार चेन्नेईविरुद्ध पहिले व्याटिङ थालेको छ । महेन्द्र सिंह धोनीको टिमले टस जितेर फिल्डिङ रोजेपछि पञ्चाब पहिले व्याटिङमा उत्रिएको हो ।

आईपीएलको प्लेअफमा पुग्न पञ्जाबलाई आजको खेल जित्नैपर्ने दबाब छ । १३ खेलबाट १२ अंक जोडेको पञ्जाब आजको खेल जिते १४ अंकका साथ प्लेअफको बलियो दाबेदारी हुनेछ ।

यद्यपी खेल जितेपछि उसले रनरेटमा दिल्ली, बेंग्लोरलाई समेत पछि पार्नुपर्नेछ । प्लेअफ पुग्ने कोलकत्ता, राजस्थान र हैदरावादको सम्भावना पनि बाँकी छ । तर आजको खेल जितेपनि चेन्नेई भने प्रतियोगिताबाट बाहिरिदैछ ।