संक्रमितबाट धरौटी शुल्क नलिन सरकारको निर्देशन

१६ कार्तिक, काठमाडौँ । सरकारले कोरोना संक्रमितको उपचार निःशुल्क गर्न सरकारी अस्पताललाई निर्देशन दिएको छ । स्वास्थ्य तथा जनसंख्या मन्त्रालयले आइतबार कोरोना भाइरसबाट संक्रमितको उपचारको क्रममा धरौटी रकम नलिन सरकारी अस्पतालहरुलाई निर्देशन दिएको हो ।

मन्त्रालयका प्रवक्ता डा. जागेश्वर गौतमले धरौटी सम्बन्धी सूचना निकालेर अस्पताललाई जथाभावी शुल्क नलिन औपचारिक रुपमै निर्देशन दिएको हो । आइतबार मात्रै टेकु अस्पताले संक्रमितबाट धरौटी शुल्क लिने सुचना निकालेपछि सो विज्ञप्ती सामाजिक सञ्जालमा चर्को आलोचना हुँदै भाइरल भएको थियो ।