सर्लाहीबाट ५ लाखको पटाकासहित ट्याक्टर बरामद, चालक फरार

१६ कार्तिक, सर्लाही । सर्लाही प्रहरीले तिहारलाई भनेर भारतबाट ल्याउदै गरेको ५ लाख मूल्य बराबरको पटाकासहित ट्याक्टर चालकलाई नियन्त्रणमा लिएको छ । बलरा नगरपालिका-८ पावर हाउस चोकबाट करिब ५ लाख रुपैयाँ बराबरको विभिन्न पटाका प्रहरीले बरामद गरेको हो ।

ईलाका प्रहरी कार्यालय गडहियाबाट खटिएको प्रहरीलाई देख्नासाथ भारतबाट नेपालतर्फ आउँदै गरेको ज.१ त २१७९ नम्बरको ट्याक्टर छोडी ट्याक्टर चालक फरार भएपश्चात उक्त ट्याक्टर जाँच गर्दा २० कार्टुन र ४ बोरामा रहेको उक्त रुपैयाँ मूल्य बराबरको पटाका बरामद गरेको हो ।

ट्याक्टर समेत नियन्त्रणमा लिई हाल फरार ट्याक्टर चालकको प्रहरीले खोजी गर्नुका साथै यस सम्बन्धमा थप अनुसन्धान गरिरहेको छ ।