कमलविनायकबाट १२ जुवाडे पक्राउ, दुई लाख बरामद !

१६ कार्तिक, मध्यपुरथिमि । भक्तपुर नगरपालिका–१० कमलविनायकमा माधव सुवालका घरमा जुवातास खेलिरहेका अवस्थामा प्रहरीले आज १२ जनालाई पक्राउ गरेको छ । महानगरीय प्रहरी परिसर भक्तपुरबाट खटिएको प्रहरीको टोलीले सुवालसहितलाई पक्राउ गरेको हो ।

प्रहरी परिसर भक्तपुरका अनुसार जुवाखालबाट प्रहरीले रु एक लाख ९० हजार ५०० बरामद गरेको प्रहरी नायब उपरीक्षक दीपक गिरीले जानकारी दिए ।