थपिए २९३३ संक्रमित, ३१५० डिस्चार्ज, २४ जनाको मृत्यु !

१७ कार्तिक, काठमाडौं । नेपालमा थप २९३३ जनालाई कोरोना भाइरसको संक्रमण पुष्टि भएको छ । पछिल्लो चौबिस घण्टामा विभिन्न प्रयोगशालामा गरिएको परीक्षणमा २ हजार ९ सय ३३ जनालाई संक्रमण पुष्टि भएको हो । यससँगै नेपालमा संक्रमितको संख्या १ लाख ७६ हजार ५ सय पुगेको छ ।

यस्तै पछिल्लो चौबिस घण्टामा ३ हजार १५० जना डिस्चार्ज भएका छन् । यससँगै कोरोनामुक्त हुनेको संख्या १ लाख ३७ हजार ९९२ पुगेको छ । यस्तै पछिल्लो चौबिस घण्टामा २४ जनाको भने मृत्यु भएको छ । मृत्यु हुनेको संख्या भने ९ सय ८४ पुगेको छ ।