दाहाल निवासमा नेपाली कांग्रेसकाे श्रद्धाञ्जली सभा

१८ कार्तिक, काठमाडौं । पूर्णानन्द दाहाल, नेपाली कांग्रेस झापाका पूर्व जिल्ला सभापति, नेपाली कांग्रेस झापाका सबैभन्दा पुराना तथा त्यागी नेता, नेपाली कांग्रेस जेष्ठ नागरिक मञ्चका केन्द्रिय समिति सदस्यसमेत रहेका बयोबृद्ध नेता नेपालको लोकतान्त्रिक आन्दोलनका एक अग्रज नेताका रुपमा स्थापित नाम हो । नेपाली कांग्रेस पार्टी पंङ्ग्तीमा झापा जिल्लाकै अभिभावकका रुपमा रहेका पूर्णानन्द शर्मा दाहालकी जीवन संगिनी(श्रीमति) ८५ बर्षिय रमादेबी दाहालको देहावसान भएको नवौं पुण्य तिथी पारेर आज झापा जिल्ला स्थित कमल गाउँपालिका वार्ड नं. ५ मङ्गलबारे स्थित दाहाल निवासमा नेपाली कांग्रेसले श्रद्धाञ्जली सभाको आयोजना गरेको छ ।

पत्नि शोकमा रहेएका बयोबृद्ध नेता पूर्णानन्द शर्मा सहित छोराहरु बिनोद र आमोद प्रसाद दाहाल, छोरी प्रमिला दाहाल अधिकारीसहित परिवारमा पर्नगएको मातृ बियोगको शोकप्रति भावपूर्ण समबेदना व्यक्त गर्न साथै परिवारजनमा धैर्यधारण गर्न सक्ने शक्ति प्रदान गर्नका लागि नेपाली कांग्रेस झापा जिल्ला कार्य समिति, क्षेत्रीय कार्य समिति क्षेत्र नं. ७, दमक नगर समिति, गौरादह नगर समिति लगायत सयौंको संख्यामा नेपाली कांग्रेस आबद्ध नेता तथा कार्यकर्ताहरुको उपस्थिति रहेको थियो ।

कोरोना कहरको त्रासदीपूर्ण वातावरणलाई समेत बेवास्ता गर्दै नेता दाहालको घरमा समवेदना व्यक्त गर्न नेपाली कांग्रेसका महासमिति सदस्यहरु, महाधिबेशन प्रतिनिधिहरु, जिल्ला कार्य समितिका पदाधिकारी तथा सदस्यहरु, क्षेत्रिय सभापति तथा पदाधिकारीहरु, दमक तथा गौरादह नगर समितिका सभापति सहित समितिका अन्य पदाधिकारीहरु सहित स्थानीय नेता तथा कार्यकर्ताहरुको बाक्लो उपस्थिति रहेको थियो । सिंगो नेपाली कांग्रेसको तर्फबाट स्व. आमा रमादेबि दाहाल प्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समबेदना व्यक्त गरिएको छ ।