प्रहरीलाई जवाफ ! पप गायक भिटेनलाई पक्राउ नगर्न अदालतको आदेश

१८ कात्तिक, काठमाडौं । अश्लील शब्द प्रयोग गरेको भन्दै प्रहरीको खोजीमा रहेका पप गायक भिटेन अर्थात समिर घिसिङलाई पक्राउ नगर्न अदालतले आदेश दिएको छ । मुख्य न्यायाधीश नहकुल सुवेदीको इजलासले भिटेनलाई धरपकड नगर्न प्रहरी प्रधान कार्यालय र साइबर ब्युरोको नाममा अन्तरिम आदेश जारी गरेको हो ।

घिसिङले प्रहरी प्रधान कार्यालय, नक्साल र साइबर ब्युरोलाई विपक्षी बनाएर उच्च अदालत, पाटनमा १६ कात्तिकमा निषेधाज्ञा सम्बन्धी रिट निवेदन दर्ता गराएका थिए । उनले बजारमा ल्याएको पछिल्लो गीतमा अश्लील शब्द प्रयोग गरेको भन्दै आलोचना भएको थियो ।