सरकारको निर्णय अनिष्टको संकेत : केसी

१८ कात्तिक, काठमाडौं । नेपालको नाम ‘संघीय लोकतान्त्रिक गणतन्त्र नेपाल’ नलेख्ने सरकारको निर्णयप्रति कांग्रेस नेता अर्जुननरसिंह केसीले आपत्ति जनाएका छन् । ‘संघीय लोकतान्त्रिक गणतन्त्र नेपाल’ नलेख्न सरकारको निर्देशन दिएपछि नेता केसीले ट्वीटरमार्फत आपत्ति जनाएका हुन् ।

साथै उनले वर्तमान सरकारको संविधान विपरित निर्णयप्रति आपत्ति जनाउँदै यसलाई अनिष्टको संकेत भएको टिप्पणी गरेका छन् । ‘फेडेरल डेमोक्रेटिक रिपब्लिक अफ नेपाल नेलख्न र अंग्रेजी वा नेपालीमा नेपाल मात्र लेख्ने मन्त्रिपरिषदको निर्णयको कानून मन्त्रालयको पत्र र निर्देशन अहिले किन आवश्यक प¥यो ? यो नेपालको संविधानको धारा ४ को नग्न उल्लंघन र अनिष्टको पूर्वसंकेत हो’ नेता केसीले ट्वीटरमा लेखेका छन् ।