सुचना संकलन तथा विश्लेषण शाखा ‘टिकटक अभिनय’ गर्ने थलो बन्दै
नेपालबहस संवाददाता
कात्तिक १८, २०७७ बुधबार ३:१८:२५
१८ कार्तिक, चितवन । नेपाल प्रहरीमा प्रहरी पोशाकको चरम दुरुपयोग हुने क्रम अझै रोकिएको छैनन् । प्रहरी आचारसंहिता विपरित सामाजिक सञ्जालमार्फत प्रहरी पोशाक लगाएको फोटो तथा भिडियोहरु फेसबुक, ट्विटर तथा टिकटकमा भेटिन थालेपछि प्रहरी प्रधान कार्यालयले बिज्ञप्तीमार्फत उक्त सामाग्री भए तत्काल हटाउन निर्देशन दिएपनि त्यस्को अझै पालना भएको छैन् ।
गत, असोज २२ गते बिहिबार नेपाल प्रहरीले प्रयोग गर्ने प्रहरी पोशाकको जथाभावी दुरुपयोग हुन थालेपछि प्रहरी प्रधान कार्यालयले आफ्नो गम्भीर ध्यानाकर्षण भएको जनाएको थियो । नेपाल प्रहरीका प्रहरी प्रवक्ता कुबेर कडायतद्वारा जारी प्रेस बिज्ञप्तीमा विभिन्न चलचित्र, टेलिचलचित्र, प्रान्क भिडियो, सांगातिक भिडियो, टिकटक, सर्ट मुभिज, टेलिभिजन तथा स्टेज कार्यक्रमहरुमा प्रहरी पोशाक प्रयोग हुन गएकोमा प्रधान कार्यालयको ध्यानाकर्षण भएको र उक्त भिडियो तथा सामाग्रीहरु अपलोड भए तत्काल हटाउन अपिल समेत गरेको थियो । तर, त्यसको पालना भने अझै नभएको भेटिएको छ ।
प्रहरी पोशाकमै उक्त गतिविधि नगर्न तथा गरेको पाइए कडा कार्वाही हुने समेत चेतावनी बिज्ञप्तीमार्फत दिइएको थियो । तर, जिल्ला प्रहरी कार्यालय चितवनमा कायरर्त एकजना प्रहरी जवानले भने हेड्क्वाटरको निर्देशन एवं परिपत्रलाई रद्दीको टोकरीमा फालेका छन् । २०७३ सालमा पास आउट भई नेपाल प्रहरीमा प्रवेश गरेका प्रहरी जवान युवराज गिरिले प्रहरी पोशाकमै टिकटक भिडियो बनाई अपलोड गरेका छन् ।
संगठनको आदेश र अनुरोधलाई एउटा जवानले चुनौती दिएर प्रहरी पोशाकमै टिकटक भिडियो बनाई सामाजिक सञ्जालमा अपलोड गरेको भए पनि चितवनका प्रहरी प्रमुख भने मौन भएर बसेका छन् । चितवनमा कायारर्त प्रहरी जवान गिरी त एक प्रतिनिधि पात्र मात्रै हुन् । अझै पनि सामाजिक सञ्जालको दुरुपयोग गरेर फोटो तथा भिडियो अपलोड हुने क्रम रोकिएको भने छैन् ।
विभागको निर्देशनलाई चुनौती दिदै टिकटक भिडियोमा अभिनय गर्ने यस्ता प्रहरी कर्मचारीमाथि चितवनका प्रहरी प्रमुख नान्तीराज गुरुङ्गले एक्सन लिन्छ कि लिदैन, त्यो भने हेर्न बाँकी छ । पछिल्लो समय केही बिवादित प्रहरीकै कारण चितवन प्रहरी बिवादमा तानिदै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रसाईंका हतियारबारे छानबिन गर्न गृहले बनायो समिति
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
आयरल्याण्ड वुल्भ्सले नेपाललाई दियो २२३ रनको लक्ष्य
चैत १६, २०८० शुक्रबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार
बाँकेमा बालविवाह न्यूनीकरण चुनौतीपूर्ण
चैत १६, २०८० शुक्रबार
जुगल हिमाल आरोहणको अन्तिम तयारीमा
चैत १६, २०८० शुक्रबार